韦家雄特意回儿时旧地影婚纱相：返当日住𠮶个门口影张相俾妈咪睇

今日是53岁韦家雄的大喜日子，迎娶比他年轻近廿年的女友邓楚雅（Keynes），韦家雄一早就与兄弟团出发去接新娘，途中当然要接受“玩新郎”的命运，不过韦家雄就表示自己过关无难度，即使要受罚也有一大班兄弟帮手撑住。

在接受《香港01》访问时，韦家雄被问到有否紧张，他说：“开头觉得唔会紧张，但原来到咗𠮶日真系会紧张，我㖊晚瞓得个几钟，老婆直头无瞓过。（玩新郎？）佢哋对我都好狠吓，仲话我答唔到问题要食wasabi𠮶啲嘢，啲问题都唔系关系佢（老婆），好过份㗎，物理学又有，外母几时生日咁，中晒招。好在杨明帮我食咗1条wasabi，个个兄弟都有帮手，好似好好食咁，个个抢住食。（仲有无咩要做？）要跳大妈舞，开门利是就尽量少喇，我睇过警讯，好多人喺呢度濑嘢，所以我无出事哈哈，都系心意喇。”

而韦家雄的婚纱相也是别有心事，特意返回儿时长大的地方，亦为妈妈完成了一个心愿：“𠮶度喺我细个长大嘅地方，我住到10岁，同埋系我觉得最开心嘅地方，细个一大班朋友周街走，所以返番去。同埋我妈咪都好钟意𠮶个地方，我去返当日住𠮶个门口影张相俾妈咪睇，隔离大部份都搬走晒，但对面屋竟然未搬走。𠮶度好好风水，可能发哂达走晒。”