宋熙年拍节目出埠日本觉楼市吸引：去完都有啲心郁郁

宋熙年（Sarah）周二（5日）出席活动，谈到近日到日本工作：“最近同开电视拍咗个节目叫《宜居住游行》，好耐冇试过出埠六日，所以好挂住囝囝。可能佢开始大个，识得同人沟通，老公（陈智燊）不断Send片俾我，听到囝囝叫我、同我飞吻，我个心就乸住乸住；但工作系非常充实，亦都认识到东京除咗吃喝玩乐嘅另一面。”Sarah又提到短期内没有移民的想法，毕竟工作都在香港：“但我睇到日本嘅楼市好似几唔错、门槛／入场费较低，去完都有啲心郁郁，我要再了解多啲、同老公商量下，喺𠮶边投资好似都唔错。”

陈智燊近日挑战演出舞台剧《人生原是一首辛歌》，宋熙年亦表示希望挑战不同类型的工作：“好似都倾紧客串下一啲电视剧，睇完老公玩舞台剧都好有兴趣！睇到老公呢两个月同一班舞台剧演员打成一片，舞台剧亦都系同电视剧、电影截然不同嘅演出方法，佢自己都需要少少时间去适应，而每一个Show亦都有唔同嘅惊喜，佢系投入到唔舍得完Show，我都希望可以亲身感受吓佢感受过嘅嘢。”