老公陈智燊离巢后人生更精彩　宋熙年决心外闯：佢令我鼓起勇气！

陈智燊和宋熙年两夫妇今晚（3/8）现身金钟出席好友无线明珠台男主播苏颂辉婚宴。提到近日离巢在无线工作十年有多的决定，熙年接受《香港01》访问时说：“其实自己喺无线工作咗一段时间，无线真系栽培咗我好多，呢个时候我好想跳出自己嘅框架，试吓唔同嘅嘢，因为旧年老公离开嘅时候，其实当时我哋两个都有啲迷惘，但我睇到出面有好多唔同嘅制作，见到我老公过去一年都好精彩亦好充实，见到佢咁好成绩，咁所以我就鼓起勇气作出呢个决定。”

大台没发挥网友戥唔抵　宋熙年：初入行唔系把握得好好！

（有网民觉得无线浪费咗你，觉得大才小用，戥你唔抵，你点睇？）熙年直言：“得确初入行嘅时候，都有好多不同嘅尝试，其实当时自己又唔系把握得好好，因为中文唔系我强项，但经过咁多年好努力喺呢方面，其实公司都有安排《东张西望》及《明珠生活》俾我做，其实都好稳定嘅，其实我想喺呢个位想试下唔同嘅工作，无论演戏及制作我都想多方面尝试，如果年纪再大啲嘅时候，真系冇咁大勇气去再尝试。”

（会唔会觉得喺TVb做咗十年都大骚做得好少？）熙年坦言：“可能冇缘份。”（会唔会等做大骚嘅机会等到攰？）熙年笑言：“又唔会等到攰嘅，其实我都好享受我嘅工作嘅，其实我好唔舍得东张西望幕前后嘅团队，其实如果可以我都想尝试吓嘅，如果嚟紧TVB有大骚想揾我，我都可以㗎。”