【我的拳王男友】罗浩铭被倒头桩险半身不遂：听到一声“咔啦”

身为一个特技人或是替身，可算是电影业界之中，离死亡最近的岗位。近年转型向电影界发展的罗浩铭（Ken）参与了杜琪峰电影《我的拳王男友》拍摄，戏中除饰演一个日本拳手的角色外，更需要担任中国国内演员邵兵的替身，替为他上场出演危险场面，而因此令他经历生死一刻，差点就半身不遂。

冇人敢俾拳王打　罗浩铭受命上场做替身罗浩铭（Ken）接受《香港01》访问时说：“喺戏入面，佢（邵兵）有好多硬食，要畀人膝撞同埋俾拳王打嘅场口，𠮶啲我就全部替晒佢做。因为个拳王（220磅泰拳拳王Alain Ngalani）系四届冠军，大脾有22吋咁粗，冇人肯俾佢打㗎啦，咪我俾佢打啰。”不过阿铭就表示不介意被打：“指导话好难揾到个识打MMA又识做戏又有身型嘅人，当时我话冇问题，因为我都好钟意拍戏。”

拍“倒头摏”镜头　头先落地：好清脆一声“咔啦”如是者，拍摄进度都很畅顺，直至拍到拳王与邵兵对打，要出使出“倒头摏”绝招解决他的时候，意外就发生了。罗浩铭：“本来我俾拳王倒头摏嘅时候，系有条‘威也’吊住我卸力，升咗我上去之后，就会有一刹那俾我‘过头’用背脊落地，但系试咗好多次之后，武指都觉得唔够真实，太慢。到真系出事𠮶次，其实就系条‘威也’松咗，𠮶下我已经尽量想转个人，唔想头顶落，所以最后就变咗颈椎落地先，就听到好清脆一声‘咔啦’。落地之后我好想起身，但系颈以下已经冇感觉。”

颈落地经历生死一刻：以为就咁玩完！他续说：“差啲出大件事，而家冇事就梗系轻松讲啦，但系呢个动作真系打MMA都唔会做。𠮶时一落去𠮶下我真系好惊㗎，真系以为就咁玩完！我第一个谂头就系谂以后边个照顾我屋企人，第二个谂头就系，希望头先拍嘅镜头用得。”还好，送院检查后发现，这次意外并未伤及颈骨。他说：“好彩条颈椎冇断，亦都冇歪，只系因为有轻微震荡，令到颈肌肉绷紧所以颈以下先郁唔到。第二日我已经可以出院如常拍摄。”他更说，这次拍摄无论是做演员又或是替身，都是难得的经验，还表示十分感谢杜琪峰和韦家辉给予演出机会。

睇片：罗浩铭被倒头桩险半身不遂：听到一声“咔啦”