【兄弟】无线难得用心制作　罗浩铭：打咗14个钟无停过，拳拳硬食

最近拍得如火如荼的《兄弟》，剧集中有不少动作场面，近年无线剧集的动作戏都算有保证，例如《城寨英雄》，所以今次无线决定继续用心制造，还专诚请来打开专业拳赛的拳手一齐拍摄，务求将画面有咁真实得咁真实。今次《兄弟》除了三位男主角王浩信、杨明和伍允龙会亲身打之前，还有影、视两界都担当武打星的罗浩铭(Ken)客串演出，他就形容今次无线真系俾足心机拍摄，十分期待制作成品。

在接受《香港01》访问时，阿Ken表示：“今次同伍允龙加一个专业拳手打，有动作设计。不过好简单，就系吓吓硬食一拳，Double位都无得用，无论系我打人或者人打我，武指都系𠮶句，忍一吓，特别系同专业拳手打𠮶场，武指仲叫我比多啲力。”拍打戏，辛苦事一定有，原来今次打擂台真系拳拳到肉打落去，他续说：“同伍允龙好舒服，因为之前同佢都夹过，但同专业拳手就冧啲喇，哈哈！不过佢真系好好，之前其实喺啲道馆都见过，大家都夹到，佢拍戏又学得好快，又会拎啲真系打拳嘅经验放落套戏度，俾提议。我哋打咗成14个钟无停过，系咁打，武指都系叫我哋咬实个牙胶，硬食！所以今次拍出嚟嘅动作会好好睇，全部拍高速，完全无Double位，我好少拍戏无用过Double位，今次真系无用过。有一段伍允龙同我有一段30秒嘅对打，一take过仲要无剪，大家都要企得好啱位，我都好期待今次嘅制作。”拍得咁辛苦，希望到时真系有好嘢睇喇！