【揾食饭团】暴肥10磅惨遭男友嫌弃 彭慧中:强迫我陪佢做运动!
撰文: 赖家杰
出版:更新:
TVB饮食节目《揾食饭团》全新面貌即将开播,这次将会换新主持加入,彭慧中(Phoebe)是新加入的美女主持之一,她笑言一早已经有铺排加入这节目:“其实上次《揾食饭团》之前尾段播出时候,我已经渗入呢个节目,不过当时我都系做嘉宾。依家全新面貌我系做主持。”
作为女神主持,在节目中的吃相亦需要顾忌一下,不能丑态百出,但是应用在她身上好像不合适,“初初我拍时候都唔好食太大啖,但之后已经不顾仪态。我妈妈都有睇呢个节目,佢成日闹我叫‘你成日顾住食食食。’,同埋我都唔会畀女神呢两个字框住,因为我唔属于有仙气,我都系做返我自己,我呢啲‘真实’希望大家会更接受。”Phoebe笑言。
而拍摄这节目吃美食是少不免,但会吃完令她经历了一件惨事,“我条腰真系肥咗好多,比我高峰肥咗十磅。同埋我肥系肥肚腩同下身,但啲人成日话我好瘦,咁我头同面都比较细,所以真系好惨。”
肥了十磅,令到Phoebe受了不少打击,连做金融行业的男朋友也取笑她,她透露:“佢成日厌我肥,叫我做多啲运动。咁佢都会成日带我去做运动,佢本身好钟意运动,所以佢都有强迫我陪佢做运动,譬如:室内单车、举铁、跑步等。”