【流行都市】彭慧中被投诉曝光率低　女神霸气回应：等你哋心思思

无线生活资讯节目《流行都市》众主持今日（15/2）现身将军澳举行的“幸运金猪贺新春”活动，与现场观众大玩游戏欢聚元宵，活动更举行“足金金猪”幸运大抽奖，幸福儿可得到足金运财金猪价值港币一千九百元，场面十分热闹。彭慧中（Phoebe）表示今日元宵佳节会与闺密好友庄思明及Jacquelin聚餐庆祝。

想跳出公仔箱做司仪

讲到新一年的大计，原来女神彭慧中都想有一啲新突破，就是冲出公仔箱站台做司仪，Phoebe笑言：“其实自己好想尝试做MC，因为都有啲客户有联络过我，但系我又未做过，未有胆量做，因为平时都做开厂，一大班同事都好熟悉，但如果一个人去做MC，要对住咁多人我又惊应付唔到，但好多人都畀咗好多信心我，同埋觉得我一定要试下，可以接触唔同嘅嘢，所以我同自己讲新嘅一年要畀啲信心自己冲破枷锁。”

Phoebe成为KOL指日可待

女神Phoebe不时在社交平台发放个人生活点滴，吸引一众网民追看，但有网民投诉唔够紧贴时，Phoebe为了要加大力道，嚟紧会去深造学摄影和剪片，期望可以与网民增加互动。Phoebe笑言：“依家social media真系好劲，所以我好想学影相，其实平时𠮶啲相唔系我影嘅，系人哋帮我影嘅，其实如果要靠人帮你影嘅时候，你会有啲规限，即系你要等佢帮你影先得，所以想自己学识影吓相，学下剪片同执相，希望畀多啲人认识自己。仲有我成日都畀大家话我，点解咁少系网上平台出现，你哋知唔知点解？就系等你哋心思思，哈哈！”