《解决师》爆喊3分钟获赞演技不俗　菊梓乔：我要幻想好多嘢！

菊梓乔（Hana）在近期播出的TVB台庆剧《解决师》中有惊人演出，有幕讲到自己重见与男友阿海（陈伟洪饰）物品时爆喊，虽然零对白及出场只有短短三分钟时间，经已令一众电视迷惊讶，获赞演技不俗。

Hana昨晚（26/10）出席《善心满载仁爱堂》时表示：“其实呢部戏系我第一部拍嘅戏，𠮶场戏我系好深刻，我要幻想好多内心戏畀自己，幻想自己最爱嘅人离开咗自己，然后突然出现番佢嘅遗物，个心情就会好伤心，所以个场戏系一Take过，其实都好难，你哋睇到出街3分钟，其实系喊咗成10分钟有多，仲要喊到好大声，不过好开心出到嚟反应会咁好，亦好多观众都好支持自己，咁所以日后都想拍多啲好戏畀大家睇。”