“大只仔”温家伟与TVB满约 外闯寻拍剧机会：始终都倾唔掂
撰文： 陈栢宇
出版：更新：
再有猛将离开无线（TVB）！“大只仔”温家伟（Alan）今日（10/12）在社交平台Instagram宣布与TVB正式满约，离开这间效力10年的公司，他在文中写道：“如果冇TVB就冇呢一个大只仔。其实10年过得好快，我仲记得我第一次行入TVB，一个好惊，唔识讲中文嘅小朋友。不过因为佢哋我学识咗好多嘢。我想喺呢度多谢所有监制、导演，同埋任何人帮到我、畀过机会我。希望有一日我哋可以再见面。”又指自己刚刚开设YouTube频道，以及会继续努力在港发展。
温家伟接受《香港01》访问时坦言数日前正式满约：“有倾过续约，倾过一段时间，但临尾倾唔掂，始终都倾唔掂。（因为冇畀机会你发展？）唔系话冇机会嘅，咁当然唔系最有机会发展啦，都会Keep住有饮食节目做。我系想拍剧，但拍剧嘅机会唔系非常多。”
温家伟又指感到不舍：“因为我搬过嚟香港都系为咗TVB，入娱乐圈都系入TVB，而呢10年真系学到好多嘢，冇TVB冇我而家，冇得继续合作真系有啲可惜。”
点击下图观看温家伟Instagram相片：
+3
谈到未来去向，温家伟坦言已经与新加坡公司签约：“而家都有剧喺新加坡播，而家佢都破咗新加坡咁多年嚟嘅首播周收视纪录。其实真系好开心，因为个角色有机会发挥。我刚刚亦拍完另一套剧，系做男主角，喜剧嚟，会一月播。”他又指自己也想继续在香港发展：“想揾经理人公司签约或者其他方法，拍剧、拍剧、拍广告或者Online嘢都OK，因为始终我都系喺香港踏足娱乐圈，我想都想同香港Keep住个Linkage。”