大只温家伟爆肌威到新加坡 冲出香港做主角：真系好想拍多啲剧！
撰文： 林通贤
出版：更新：
在无线当艺员，除了要识做戏，亦要识等，等公司睇起，等监制给机会，有人选择干等，不过香港先生出身的30岁大只仔温家伟（Alan）就选择主动出击，在无线发展平稳的他，让人最有印象是主持《揾食饭团》，及在剧集《鬼同你OT》饰演“高矮肥”之一。而新加坡方面就相当欣赏Alan，早前出6位数字酬劳包埋机票住宿，请他拍校园剧《Faculty》，剧中当第二男主角。他接受《香港01》访问时说：“我去新加坡拍了4个月，剧中我做一个富家子，做奸㗎，又杀人又强奸，同我在TVB做的角色很不同，好有挑战性。”
大只仔在剧中全英语对白，更为了这个剧加操两个月，甩掉15磅肥膏，他说：“我是肥底，所以要跑好多，我一瞓醒就出去跑大约30至50分钟，戒口就一定啦，跑完返嚟队12只蛋白，菜呀、下午食果仁啦，乳酪，鸡胸肉，每日都要食8餐，每两个钟头左右就要食嘢，同埋最紧要系夜晚八点后不进食。”
大只仔希望可以打开新加坡市场，因为他好想拍剧，他说：“其实去边到都要等，我喺TVB已7年左右，我拍剧就好少，可能我中文唔好啦，综艺节目我就好多，我好多谢佢哋㗎，但我真系好想拍多啲剧，咁咪自己喺到等下先，所以出面有机会都好开心。冇TVB都冇人识大只仔啦，所以我喺TVB都唔会灰，如果之前无拍《鬼同你OT》、《冲线》，有返啲演戏经验，今次新加坡呢个机会，亦未必做得好，所以都多谢TVB，我亦会继续勤力。”态度正确呀！