杨明炖汤生意受示威游行下跌3成 ：冇办法大家都喺度顶住

杨明今日（15/10）现身将军澳电视城出席全新烹饪节目《Gi味俱全》记者会。讲到煮嘢食杨明就话自己冇天份，最叻都只系负责洗碗，但就力赞女友庄思明入厨房，出得厅堂：“虽然佢唔系经常入厨煮嘢食，但只要佢想食乜，佢上网睇一睇，就可以煮到出嚟，所以我谂呢样就系叫天份，我有咁嘅女朋友对我嚟讲实在太好啦！”

提到早前才开设在湾仔的第3间炖汤分店，在香港这个时势，生意有否受到影响？杨明坦言生意下跌近3成：“因为街道上系少咗人流，市民消费力减弱咗，呢个大趋势都冇办法，大家都喺度顶住。”（店舖有否被破坏？）杨明直言：“因为店铺比较贴近佢哋嘅示威路线，店铺外都有被喷画，CCTV都有损毁嘅，不过宜家都洗番干净，咁希望香港呢个情况会告一段落回复和平，变番璀灿嘅香港！”