【专访】陈智燊唔怕两公婆齐齐离开TVB舒适圈：稳定其实只系表面

陈智燊Jason，上年跟合作了13年的TVB分道扬镳，为自己演艺事业展开一个新尝试。今次，他试了一生第一次的舞台剧，在《人生原是一首辛歌》担演男主角，对他来说，是一个突破，离开TVB反而令Jason接触得更多。
摄影：叶志明

在TVB的年代，由明珠台做主持到加入剧组，慢慢爬上男主角的位置，可以说是渐渐登上一个高峰位置，不过40岁时却突然要离开，外闯一个未知领域，即使连自己老婆宋熙年（Sarah）也有为他担心。“就算Sarah都有啲担心嘅，我哋两个都系返嚟香港第一份演艺系TVB，所以呢个决定其实唔容易做嘅。任性？我唔知呢个形容啱唔啱，但呢个决定唔会畀我决定离开英国难做，我返到嚟香港冇地方住，要揾地方住、要谂工作、要谂钱、要谂好多嘢，但系你唔试就一定唔啱。”不过Jason知道，若然不试，留下的只会有十年后的遗憾。

讲到当年离开英国回流香港，Jason形容为“潇洒”，因为两地文化差异不大，自己广东话也算见得人，但今次不同，离开TVB却不能如此“潇洒”，他说：“因为我喺英国嘅时候得我自己，我养唔到自己都系自己辛苦。我要转工作环境，试唔到个后果会唔会影响家庭？𠮶阵时Sarah仲陀住啊仔未出世，𠮶个压力大唔大？大嘅，但要成功试到呢样嘢𠮶个心，𠮶份坚持都唔少，所以咪去做啰，储定少少钱咪去试。”Jason知道自己是任性的，但他却说不能不任性，因为他明白虽然离开TVB有风险，但只要自己肯做，相信香港总有一个平台容得下陈智燊这个人。

想试新事物，是否证明TVB给他的空间太少、太单一？Jason没有直言，他比喻当时在TVB就彷似一个中学生，每天返学、放学、返屋、做功课，或者不是TVB没有给他空间，而是自己已经在一个既定模式太久了，根本没有想过，这就是所谓的舒适圈。离开后，Jason表示要有新尝试，就要有不后悔的觉悟，他说：“𠮶阵我唔识谂，𠮶时就当我哋系一个中学生，返到屋企时做功课、返学、放学，你唔会识得去谂可唔可以试呢样嘢呢？可唔可以出去同啲唔同嘅人合作呢？唔会啊嘛。唔好后悔，因为都试紧新嘢嘛。如果我冇离开又拍咗套好正嘅剧，就会话‘都话唔好离开喇’，但其实唔离开都有好多唔同可能性嘅。离开咗，而家试紧唔同嘅嘢，个过程系好充实，但系咪赚好多钱？唔系，但系最基本系好愉快，我试到新嘢，我养到家。成日都开玩笑讲要养妻活儿，所以要搲捞，其实唔好谂到真系好严重，基本嘢系做到嘅，人工系有嘅，咁其他嘢唔好谂到要太进取。因为如果你话要限定自己离开TVB要赚到几千万、拍到电视、拍到电视剧先走嘅，当你咁嘅设定嘅时候，就唔使谂喇，唔使离开。”

不少人说，留在TVB至少稳定有收入，出去闯又是另一番景象，现在Jason有一个小家庭，除了老婆跟有一小朋友，自己离开TVB后，老婆也接著出走，会否觉得太冒险？两人一起放弃稳定的生活。不过Jason却有另一番想法：“稳定其实只系表面，任何行业一个工作，可能某一两个行业真系稳定，医生、银行、律师、老师都稳定嘅。演艺？稳定极都只系一个感觉。”

说回舞台剧，从来没有接触过的范畴，大家都应该听过不少传闻，在TVB拍剧相当辛苦，但原来对于一个出身于TVB的演员，舞台剧也不是一件易事。“我哋成日都谂TVB拍完个外景，摄个厂景，第二日再外景，系辛苦嘅，当你咁比较嘅时候就乜嘢都做到喇。但实质当你要朝九晚五日日去排呢，佢有一个体力上嘅消耗，而家我排咗四日，今朝我起身嘅时候好累！”不过这种累，却换来了生活上的稳定，Jason续说：“TVB嘅辛苦可能系，一套剧维持三个月，一忙嘅时候可能有四、五日冇得休息冇得瞓。而家我拍咗四、五日，当系日日都有排喇，有得瞓，有时间畀你谂，如果讲辛苦，可能拍电视会辛苦啲。舞台剧时间稳定啲，而家朝九晚五，其实我早啲起身可以同啊仔玩，更忙极都有自己时间，拍剧，我相信拍电影都系，当场口多嘅时候，我谂连屋企都唔使返，有一个咁样嘅做电视、电视嘅无奈。”

今次舞台剧《人生原是一首辛歌》由中英剧团主办，讲述经典中国流行乐曲《玫瑰玫瑰我爱你》、《恭喜恭喜》和《夜上海》的作曲家陈歌辛的生涯故事，Jason坦言当初并不知道他是谁，“我应承做呢个舞台剧嘅时候，导演话系陈歌辛，唔识，佢哼咗两首其实大家都好熟悉嘅歌，《恭喜恭喜》同《夜上海》呢啲老歌，呢啲歌以前喺TVB新年都会一齐去玩、去学。我同导演谂法一样，有啲惭愧就系我哋自己会听，听完之后唔理边个作，唔理个故事系咩。作为一个演员，一个钟意表演嘅艺人，如果听完之后唔理呢，我觉得系一件几荒谬嘅事嚟嘅。”Jason对于自己的演艺事业绝对有一团火，即使离开TVB后，相信并不会因此消失，观众依然可以欣赏他的演出。