不获TVB续约9.28成最后上班日　林子博：上个月先话续约3年加人工

林子博（Bob）入行接近30年，除了在无线（TVB）多个节目中亮相，亦是娱乐新闻台主播，不断为观众采访娱圈消息，其大女林咏渝和细仔林卓楠亦是童星，为观众带来不少欢乐。最近，林子博的太太董燕君（Shirley）确诊患癌，不但令关心他的好友、观众感到惊讶，他本人亦大感压力。虽然有不少有心人鼎力相助，希望他们一家四口可以渡过难关。不过最近却爆出林子博不获TVB续约的消息。

太太Shirley突传患癌噩耗　林子博忍痛陪打硬仗：我真系唔冧得！

亲自通知太太不获续约：佢心情跌落谷底！

林子博接受《香港01》访问时确认消息，指自己上星期已收到TVB通知：“一个月前监制揾我话续三年约同加人工，但最后‘过堂’过唔到，我都唔知系原因。今日（28/9）实际上系我嘅Last day。第一个知嘅屋企人系我个仔，佢即时反应系‘咁点算呀’，我问返佢好唔好讲畀妈咪知，佢话‘唔好讲畀妈咪知，佢会好唔开心，不如你扮返工啦’，我话扮唔到啦，我又要帮妈咪打针，又要陪佢睇医生，我扮返工点样陪佢睇医生呀。最后，我都系讲咗畀老婆知，佢心情跌到落谷底。”

点击下图观看林子博专访相片：

不获续约后眼见太太病发负能量爆升：我𠮶刻真系好憎TVB！

林子博相信天无绝人之路，指自己有手有脚，就算有经济压力也不会三餐不继：“唯有做住Freelance先！平少少都会接，做下司仪工作之类。（会唔会叫朋友帮手？）唔想咁，捐得几多吖，我而家最需要嘅系一份工，就算大大小小嘅工作我都肯做，真正能够解决屋企问题嘅都系一份工作。”

问会否觉得TVB不近人情，他坦言本身没有谂过这个问题，因为续约与否是商业决定：“佢又唔系合约期内‘鸡’我，系咁啱呢个时间我咁样，系当我见到老婆发作，揽住个马桶喺度呕时，我𠮶刻真系好憎TVB，但到我老婆冇事时，我又冇咁谂。”有指林子博不获续约与他在网上发表“黄丝”言论有关，他澄清：“我好少提呢啲，我多数都系讲老婆仔女，就算系讲都系讲民生嘢，即系起条桥好贵咁。”