【金宵大厦】谭凯琪演陆永前度　爆对方有异能：佢帮人性交转运！

谭凯琪（Zoie）周六（14日）出席无线电视剧《金宵大厦》宣传活动，并有份参演名为《金丁》的单元，她阐述了金丁的意义：“我个Partner系陆永，佢有个能力可以帮人性交转运，所以佢喺套剧里面好受女仔欢迎，作为佢前度女友嘅我梗系要谂计复合！”Zoie又认为这个故事能触动人心，虽然自己在剧中有目的再次接近陆永，但幸好二人最后有美满结局。

Zoie与陆永在剧中亦有不少亲密戏份：“初初接到剧本时见到《金丁》讲性交转运，咁咪好多场戏都离唔开张床？事实都唔少！”但陆永就贴心地做了一个举动让老婆放心、也让Zoie可以安心和他演对手戏，皆因工作上需要拍摄亲密戏份，陆永都会跟太太陈莉娜“报备”：“今日同Zoie有床戏，可能要Kiss。”令Zoie大赞对手陆永在现实也是个很好的老公：“同佢合作完觉得呢个男仔好好！”Zoie发现：“拍嘅时候佢会谂一谂，但做嘅时候都会投入去做，大家都系专业加嘛！”Zoie更开玩笑说拍的时候她甚至会问陆永：“可唔可以掂下你？”

拍摄《金宵大厦》对Zoie而言是一个突破：“喺题材上系一个突破，作为演员亦都需要呢啲突破！如果一直都做乖乖女、纯情角色系咪真系好事？我自己比较钟意多元化、演啲唔同嘅角色去挑战自己；观众睇又会有新鲜感，睇到我嘅转变！”Zoie近来戏约不断，她表示对此感到高兴：“我其实好想不断开戏！可以学多啲嘢、吸收多啲，始终自己经验唔太够。”