【金宵大厦】陈山聪11月婚礼一切从简：唔想打搅到身边嘅兄弟姐妹

陈山聪周六（14日）出席无线电视剧《金宵大厦》宣传活动，说到是次在剧集中一人分饰两角甚是特别，他分别是现代的看更阿萧和60年代的警察旭辉；这也是他第一次在电视剧担正当男主角，问到会否有特别的感受，陈山聪说：“其实对我嚟讲每一个角色都咁重要，都应该用同一方法去对待，至于系唔系第一男主角唔系最重要，当然男主角咁重要就要兼顾更多嘢。”陈山聪又感谢监制和编审找他饰演这个角色；问到会否对收视有压力，陈山聪则以平常心面对：“个故事好好，我同施嬅拍摄期间已经享受咗个过程，所以我好开心《金宵大厦》终于可以出街，而收视轮唔到我哋去决定。”

陈山聪又透过拍摄《金宵大厦》克服了从小到大都怕猫的这个心理障碍：“今次要同只猫做戏真系一个好大嘅挑战，监制知道我惊猫已经造咗两只假猫俾我，但始终冇只真猫效果咁好。”陈山聪与猫一起拍了几天厂景后发现牠很乖：“慢慢咁接触佢，我而家终于都唔惊猫！好开心透过套戏克服咗佢！”拍摄《金宵大厦》期间还有一大挑战：“我哋唔系顺住拍，而跳住拍一时系现代、一时系60年代，因为两个角色性格系南辕北彻嘅人，所以功课要做得好足！”

陈山聪与圈外女友Apple将在11月1日举行婚礼，他说筹备大致上已完成：“其实呢个Wedding Party都系一切从简，剩下一啲细微嘅事就交畀太太处理；我而家拍近新戏《大步走》，完全冇时间准备任何嘢，但其实都冇乜需要准备，都系同班好朋友食餐饭。”作为新郎，陈山聪就表示很是开心：“希望当晚嚟到嘅嘉宾都感受到我哋嘅喜悦。”因为婚礼以一切从简为大前提，所以并没有接新娘、伴娘、伴郎等元素：“唔想打搅到身边嘅兄弟姐妹，佢哋扮得靓靓嚟就可以。”