传王敏奕曾国祥日本秘婚 拍拖六年被曾志伟认定新抱不二之选
撰文: 洪晓璇
出版:更新:
男女间嘅感情,从来不受年龄背景等限制,缘份话嚟就嚟。曾国祥同王敏奕(Venus)虽然年龄相差12年,但感情相当稳定,早已展开同居生活,不时于网上放闪,公认为圈中金童玉女,呢日更传出二人喺日本秘密结婚﹗
Venus同曾国祥拍拖6年感情稳定,当年更加系曾志伟亲自牵红线而拍拖,早已融入曾家,被志伟认定系未来新抱不二人选。佢哋不时去日本各地旅游,呢日传出秘密于日本结婚,不过两位以及“老爷”曾志伟都未有接听电话,有传媒揾到曾国祥家姐曾宝仪,亦未有否认喜讯,只系表示等佢哋本人回复会比较好。
现年27岁嘅Venus已经入行13年,14岁入行做model,之后以演员身份为主,曾经喺纽约修读电影及戏剧课程。2014年拍摄TVB剧集《女人俱乐部》成功入屋被封女神,但佢不怕男粉丝幻想破灭,自拍拖以来,一直大方于网上分享同曾国祥嘅生活点滴。虽然曾国祥曾表示自己是不婚主义,但遇上Venus后心态开始有改变,若然结婚传闻属实大家都会不感意外。
+6
王敏奕被指出轨 男友曾国祥公开表态:笑著面对王敏奕被火爆Rapper怒骂拆散旧爱 王敏奕经理人:二人并不认识【飞虎.专访】王敏奕唔认自己系花瓶:亚洲社会女仔好易俾人定型王敏奕拍《飞虎之潜行极战》同黄宗泽合作好亲切:由细睇到大王敏奕被爆搬入贝沙湾:系一件开心事【飞虎之潜行极战】王敏奕进占女神榜第二位:乜我仲系咩?