【飞虎之潜行极战】王敏奕进占女神榜第二位：乜我仲系咩？
撰文： 吴子生
出版：更新：
《飞虎之潜行极战》本周播出，剧中艺员亦当然成为焦点，其中王敏奕更在网上人气急升，在讨论区女神选举，有力挑战汤洛雯，稳占第二位！
王敏奕一听就笑住话：“新一代女神⋯⋯⋯哈哈！多谢大家⋯⋯乜我仲系新一代女神咩⋯⋯⋯好多谢大家，将我推返上嚟⋯哈哈⋯历久常新呀！我继续努力希望可以做到大家心目中唔错嘅偶像⋯哈哈⋯我都唔知讲咩⋯”笑声不断，女人原来比人赞系会开心到失魂落魄！
更有网友觉得王敏奕在剧中，次次除面罩及头盔都咁靓，佢解释：“我个头发系有精心设计过嘅，就系扎头发扎到好实，同Bosco上山下海都好靓，多谢服装，帮我设计呢个盗墓者罗拉咁嘅头啦！”有人就系觉得咁整齐，似乎有啲离地，王敏奕笑言：“我成日吊威也，咩啊！其实我系好贴地㗎，挞落地咁滞！”虽然答案有点烂，不过靓女系有特权..........好似系。