拍罗守耀新戏演妓女角色博尽　麦芷谊：比男主角我只系小巫见大巫

麦芷谊（Koyi）周三（28日）出席电影《曳曳同学会》的首映礼。说到她有份主演、罗守耀导演的新电影《人妖阿发 痴人三部曲》 预告片最近曝光，麦芷谊在这部电影中饰演一名被迫到泰国成为妓女的香港人，而这个角色甚具挑战性：“每一次演戏都好似系第一次， 因为每一次个角色都同之前演嘅唔一样，都需要时间揾参考、做功课、上堂学钢管舞。 始终我自己对泰国呢个行业零认知 ，所以有跟导演去睇景，接触下𠮶度嘅人。”

情绪起伏大　冀观众了解戏中讯息

说到第一次与罗守耀导演合作，麦芷谊说：“我本身同导演唔识，但有睇过佢之前嘅作品，初初都有啲惊佢会唔会好恶，但其实导演个人都几Nice同Gentle， 好多嘢都会同我哋有倾有讲。”她又提到导演要求高，所以自己花了不少时间投入角色：“始终个故事比较阴沉，有啲比较大胆同暴力嘅情节，拍咗一段时间个情绪都起伏得几犀利。”同时她亦希望观众可以留意电影的深层讯息，皆因自己花了不少心思在钻研角色上。

对男主角林上赞不绝口　麦芷谊：好佩服佢嘅勇气！

麦芷谊又对男主角林上这个对手赞不绝口：“彼此之间越来越Close，越嚟越多沟通，大家拍嘅时候有火花。佢都系一个好新嘅新人，喺入面饰演一个人妖，仲大胆！我好佩服佢嘅勇气，佢无论系外形上，定系投入呢个完全同佢本身零相似嘅角色都花咗好多心机、好尽力去做。”麦芷谊又提到在电影中有小量性感演出：“角色有需要嘅话我系唔介意性感，最紧要系我钟意嘅角色；今次但唔色情嘅，因为想真实感重啲、生活化啲，对比起男主角，我𠮶啲真系小巫见大巫啊。”

这部电影的演员几乎全部都是新人，问到会否有票房的压力，麦芷谊说：“《同班同学》𠮶阵就好紧张，日日都睇住戏院入座表系绿色橙色定系红色；过咗呢几年就觉得做演员最紧要演好自己嘅戏、投入角色 呈现畀观众，观众钟唔钟意或者有冇人睇就真系控制唔到，但如果有建设性嘅Comment，系批评就努力去改。票房只可以尽力而为，宣传上要帮手会尽全力！”