关智斌大谈首踏红馆开个唱感受　想安排张敬轩担任特别角色

关智斌（Kenny）早前因拍档张致恒（Steven）爆出闪婚生子兼一脚踏几船的丑闻所累，差点取消红馆演唱会，以为红馆梦碎，但剧情峰回路转，经理人公司最后决定由Kenny开个人演唱会，获网民大力支持。Kenny日前作客TVB娱乐新闻台节目《StarTalk》，接受主播许文轩(Edmond)专访，大谈首踏红馆开个人演唱会感受。

Kenny说：“冇谂过可以开个人演唱会，好戏剧性，用坐过山车形容都啱，因为自己一直系组合出身，就算系都系谂住以组合形式上红馆舞台，上天嘅安排好奇妙，用另一个方式俾咗个舞台我，我会好好珍惜。依家Rundown全部改晒，之前个主题比较开心，嘉年华Feel，但已经唔Work，我用咗一个星期谂点改动，决定用我呢次经歴呈现。”

在Kenny公布开个人演唱会之后，网民强烈建议邀请其好友张敬轩担任嘉宾，Kenny亦顺应民意，除了嘉宾这个身份之外，Kenny表示希望可以邀请到他做调音师，“想叫佢攞啲好靓嘅咪，佢啲器材太靓，有时佢无啦啦会拎出嚟话Beyoncé用呢支。佢喺一班朋友中系最令人安心𠮶个，大家会觉得如果有佢喺度会特别安心，所以呢两场要佢嚟等我淡定啲。”

至于会否希望可再以BOYZ名义再上红馆，Kenny说：“永远好难说不，我只可以话呢一刻暂时我唔知道，呢件事要一齐去发生，我心底里亦希望有咁嘅一日。”