关智斌大爆张致恒核特往事　间屋臭到晕：好似有死老鼠味

BOYZ成员关智斌(Kenny)和张致恒(Steven)即将再次合体关演唱会，近日频频四出宣传，日前作客TVB娱乐新闻台节目《StarTalk》，接受主播许文轩(Edmond)专访，大谈首度开骚感受。

关智斌(Kenny)表示开演唱会是意外，他说：“所有嘢都系因为做咗张敬轩演唱会嘉宾之后先发生，咁啱今年我地又十五周年，多谢网民集气令开骚成真，其实我哋已经唔同公司，所以我哋会好好珍惜呢个演唱会。”张致恒(Steven)说：“依家要练习返以前啲舞同埋操体能，我晚晚跑十公里，依家越跳越有力，因为啲回忆令青春返晒嚟。”

一向“相爱相杀”的 Steven 和 Kenny ，对于在轩仔个唱上重提当年打交一事，Steven说：“唔系打交，得Kenny打过嚟，要两个人打先至系打交。其实系我衰，讲咗啲好唔负责任嘅说话先，不过Kenny形容系打，我觉得系拍，因为冇力。”Kenny说：“你系咪想再试吓畀人打？我好记得打完之后仲要出活动，两个人喺架车度一直唔出声，好僵！不过两日后大家唔记得咗件事。”

Kenny大爆昔日打歌服仍留在他家中，他说：“搬过几次屋都仲喺我度，唔知点解连Steven𠮶啲都有，件件打孖上，我地有试过著返。”Steven笑说：“十几年前嘅衫我竟然仲啱著，连个裤头都啱，(Edmond问会否是以前潮流兴阔身？) 我好想打你。”

二人亦于专访中大爆昔日同居趣事，Kenny说：“以前我哋间屋好乱，仲要我阿爸阿妈帮手执屋，我阿妈有时会煲汤过嚟畀我哋饮，有一日我开始闻到有啲死老鼠味，后尾发现我阿妈煲汤就喺Steven床下底，佢冇饮不特止，仲推埋入去床下底，成两个礼拜都闻唔到有阵味，最后连壸带汤揼咗。”