【十二传说】梁茵首次挑战杀人凶手　“而家睇返都有好多不足”

喺《爱‧回家之开心速递》中饰演Anita嘅梁茵(Kiko)，原来都有份出演《十二传说》喺刚播出嘅七姊妹传说章节中，梁茵连杀两人，虽然戏份唔算多，但亦有被网民留意，大赞佢演出够自然，就算当场踢爆系凶手依然表现得冷静而不夸张。梁茵接受《香港01》访问时，表示自己第一次饰演凶手，由于角色有不少内心戏，所以当初收到剧本时，兴奋之余但又非常担心自己驾驭唔到。

要演出一份淡然的情绪
“演绎阿希呢个角色所有嘢都要淡然，就算系当场被人踢爆系凶手都唔会有太大反应，甚至系被收监，佢并会因杀人而感到内疚，只系谂因失去自由而不能够同钟意嘅人见面。内心戏做到当然可以好出，但两年前嘅我演技仲未好够，所以花咗好多时间同监制沟通，希望尽量可以做到𠮶种淡然。其实而家睇返都好多不足，但开心嘅系见到网民留言好中肯，亦都会讨论到底我个角色系同性定双性。”梁茵说阿希一角比较深层，会合理化自己所做的错事，所以在演绎时不能太露，也要调整好自己情绪，太多或太少都唔得，要带著压抑的感觉去演，对于那时才入行4年多的她来说，确实系几考功夫。

由于喺《十二传说》中只有一个章节的演出，加上拍摄时间有限，所以梁茵都曾经担心太过零碎而入唔到戏。“经过今次就会知道最紧要多沟通，好似其中一场掌掴戏，会担心力度掌握得唔好，又怕落手位唔啱。好多前辈都同我讲多留意、多沟通，今次系真系学好多嘢。”另外，梁茵又透露喺电视城古装街拍摄其中一场密室放火戏份时，一直都演得十分不顺畅。“工作人员睇play-back时，喺mon见到有啲嘢系我附近，自己系感受到，果啲嘢一直影响我放火烧嘢，𠮶场NG咗好多次，导演都有咩做咩，但我无特别去解释，因为好似系借口咁。”本身有宗教信仰的梁茵，喺感受到“有啲嘢”后，虽然都怯怯哋，但为怕阻碍拍摄，所以都尽量保持锁定，就算而家讲返，都有少少怕。