【十二传说】刘佩玥专拍灵异题材电视剧：可能监制们觉得我脚头好

无线电视剧集《十二传说》正在热播，悬疑题材收视成绩不裕，剧组于周三（7日）在游泳池举行最后一次宣传活动，刘佩玥（Moon）感谢观众对电视剧的喜爱：“我之前有讲过如果收视率有30点1就会著泳衣，其实我今日著咗！”相信观众并不收货！Moon随即顺应民意表示：“我谂住下次就唔好吝啬，会著啲靓啲嘅！”

刘佩玥虽然是基督徒，但是相信世界上有不同的存在：“你问我有冇魔鬼、鬼，我自己都觉得系有，世界上咩都有㗎啦，宁可信其有，不可信其无；但我觉得要敬鬼神而远之，唔需要特别去揾其他存在，反而做好自己就唔惊佢揾你，冇做错嘢就半夜敲门也不惊。Moon毫不惧怕看不见的存在：“我个人比较大胆，可能监制们觉得我脚头几好，《降魔的》、《僵》、《十二传说》、《一屋老友记》，有少少灵异嘅题材都咁啱揾到我，应该真系脚头好。”

刘佩玥又称即使自己遇上灵异事件也并不特别害怕：“可能我个人冇乜做错、冇惊嘅点。我以前做空姐𠮶阵，出到outport女仔好兴Share room，好想同我一齐训；同我熟嘅朋友会叫我同佢Check房，要我行个圈睇下有冇咩特别或者蛇虫鼠蚁，因为我唔惊昆虫。”看似天不怕地不怕，刘佩玥称自己最怕的是自己的妈妈：“由细到大我最惊我妈，除咗佢之外我应该都冇乜嘢惊。”