容祖儿疑拉伤腰用倒立机治疗？　物理治疗师林景程：唔建议

容祖儿（Joey）近日为了入行20周年演唱会《PRETTY CRAZY》密密准备，连日来在IG分享了不少现场靓相，不过今日（8日）她就Post了两张使用倒立机的相片，写道：“保住条腰最好倒吊”。事缘Joey在演唱会上同粉丝握手时，怀疑拉伤条腰，所以要靠倒吊缓解腰痛。其实过往不少人都利用倒立放松肌肉，而近年兴起的倒立机，更标榜具有多种疗效，是不是真的这么神奇？

倒立能放松拉紧的肌肉、促进血液循环，增加脑部氧气的供应，减缓精神压力和消除疲劳及增加人体能，平衡感、协调性、减轻腰酸背痛。而近年兴起的一种将人体倒吊的健身器材“倒立机”，坊间流传具有多种疗效，包括纾解脊椎压力、腰酸背痛、甚至可增高，吸引不少人试玩。

不过倒立机并非人人适合，曾有人使用两次倒立机后，右眼中央视网膜静脉出血险眼盲。TVB艺人、兼职做物理治疗师的林景程在接受《香港01》访问时也表示使用倒立机有风险：“以物理治疗角度嚟睇唔建议，因为倒立机唔系一个正规嘅治疗方法。如果神经线受压，或者椎间盘突出等，脊椎牵引系可以舒缓肌肉绷紧嘅情况，效果系唔错嘅。但正规嘅物理治疗脊椎牵引系瞓喺度做嘅，经过检查后睇下应该牵引边几节，从而用髋、膝头嘅屈曲去牵引，再调教。所以如果用倒立机去牵引嘅话，倒立机系用人嘅体重做脊椎牵引，一嚟我哋唔肯定究竟系边一节嘅问题，二嚟佢调校个体重……同平瞓喺度拉腰骨嘅脊椎牵引争好远，容易调校得唔准确。”

如果Joey是因为同Fans握手时不小心拉伤条腰，林景程就提议有更好的治疗方法：“当个Fans好大力，咁最大机会都系拉伤附近嘅肌肉，但都唔排除拉伤肌肉嘅同时，会伤到关节，所以有好多不稳定因素喺度，最好Check完之后先做牵引。同埋最好都唔好用倒立嘅形式去做牵引，因为用体重去咁样牵引比较唔好，平瞓牵引最好。”

不少人使用倒立机缓解肌肉酸痛，但林景程就提醒有几点需要注意：“理论上倒立机最容易出现嘅问题就有几样，如果血压有问题，或者血大量供应上脑，血管有问题就唔系咁好。另一方面又唔清楚关唔关脊椎事，如果只系扭伤咗，用倒立机未必针对到扭伤肌肉，甚至如果纯粹扭伤肌肉，其实你针对返肌肉去消炎，譬如冰敷、拉筋，效果会比用倒立机更好。当然只系估计，如果情况系神经线受压，脊椎受压嘅话，虽然唔正规，但的而且确倒立机系可以令人舒服咗，但唔建议用。”

点击下图睇Joey演唱会靓相：