【容祖儿演唱会】与杨千嬅大和解互相感激　打趣赞Joey：讲嘢叻咗

容祖儿《PRETTY CRAZY》红馆演唱会的第三场嘉宾，Joey请到多年来的宿敌杨千嬅做嘉宾，二人在台上先后合唱了《假如让我说下去》，还有千嬅“好Like”的TVB《On Call 36小时》主题曲《连续剧》，二人更在台上剖白自己，互诉心底话，让歌迷见证她们的大和解。

“人生就好似一场竞技赛，我嘅跑道上，有好多同我一齐跑嘅跑手，有啲跑手同你嘅距离特别近，大家都叮当（马头）…...有时你跑快啲，有时我跑快啲。”Joey和千嬅一向被视为彼此的竞争对手，Joey继续说介绍词：“而今晚呢位嘉宾，佢同我一路跑住，喺我歌唱生涯上，如果我冇遇上佢，我未必有咁嘅速度跑得咁快。今日我同佢双剑合璧，希望曾经有一刻，我都有畀过佢好大动力，令到佢跑得快啲。”

合唱完第一首歌《假如让我说下去》后，千嬅立刻感谢Joey的邀请：“你差啲整喊我！你依家讲嘢叻咗㖞。”Joey立刻豪迈一笑：“哈，都廿年喇，点都要好啲啦！”千嬅续言：“我都好开心喺工作路上遇到你，因为可以见证你每个阶段嘅进步，同埋睇住你一路变成熟，你学懂点去表达你自己，其实一个歌手最想做到嘅嘢，就系将自己唱嘅嘢，用心表达畀人知，而𠮶啲人接收到。”

千嬅继续感概说：“作为一个歌手，二十年唔长唔短，但亦都系一个女人最紧要嘅一段时间，咁我都好感谢你喺路上面畀到好多inspiration。亦都可能一直未有机会可以分享到畀你听，但系最近嘅十年啦，大家见面嘅机会多咗，喺沟通嘅时候，我可以感受到一样嘢，我哋大家系互相成长嘅！咁当遇到好嘅对手时，系会令自己进步嘅，除咗用嚟比较量度自己之外，仲有一样嘢系推进自己嘅进步，所以你唔好多谢我，我应该多谢你先真！”接着便合唱千嬅喜欢的歌曲，她更有感而发：“人生就好似连续剧，虽然冇人可以写自己嘅剧本，但我今晚好开心，可以同Joey一齐写呢首歌嘅回忆，送呢首歌畀大家——《连续剧》！”