郑欣宜曾因《救命歌》同蓝奕邦嗌交　一有挫败许廷铿就自动蒲头

郑欣宜日前带著新歌《救命歌》接受香港开电视《娱乐头条E-news Headline》主播马梓轩（William）专访，当被问到构思新歌时，是否曾与负责填词的蓝奕邦争执，欣宜直认不讳：“起因系Everything is alright同埋Love is always inside呢两句歌词！当时阿邦好坚持话呢个世界上，系唔会有人伸只手出嚟摸你个头同你讲呢啲说话，除非自己救自己！然后我同佢讲，就用救自己呢个方向啦！”

无论欣宜与亲人还是朋友相处，向来都是报喜不报忧，若需要求救首选找朋友，欣宜透露：“好少系我揾许廷铿，通常佢揾我！佢好似有第六灵感，会感觉到我有啲唔妥，跟住就会自动揾过嚟！”欣宜又指，曾被邓小巧的一番说话启发：“我有一次同佢讲，我真系好讨厌自己咁情绪化，因为好易攰！佢就话我地一定要保持sensitive，咁先能够喺唱歌讲故仔嘅时候感动到人！”

欣宜又感慨现时很难在乐坛生存，觉得歌手没太多宣传歌曲的渠道。而提到日前有幸担任郑秀文红馆演唱会头场嘉宾，欣宜则兴奋表示：“Oh My God！事缘我上年开演唱会前跌断脚，然后佢拍片喺社交网站为我打气！所以今次佢一揾到，我梗系Yes啦！而且Sammi畀机会我喺台上唱《女神》，仲同我合唱，即系佢要准备埋我嘅歌，点会有咁好嘅人呢？同埋觉得佢好靓，皮肤亦好好！”