【友人抱抱】 郑融与JW化解恩怨　更大爆欣宜有玩交友软件

王灏儿（JW）、郑欣宜（Joyce）和郑融（Stephanie）昨日（14日）在旺角麦花臣场馆举办了属于她们三人的《友人抱抱音乐会》，一同庆祝情人节。音乐会完毕后，JW跟Stephanie异口同声表示因为今天要做音乐会，所以要跟另一半补祝情人节。JW说：“其实我今日唱歌嘅时候，已经多啲望住佢（男友）𠮶边，令到佢觉得我哋系有一个connection，咁但系都要补返嘅。”而Stephanie也直言从农历新年开始，每天都忙于准备昨天的音乐会，所以也要和男友补祝一下情人节。

在台上，JW唱《讲不出声》前，大爆曾经误会过Stephanie跟前男友亲吻过，因为JW只知道该名女子叫Stephanie Cheng，所以一直怀疑是郑融。不过，原来这只是一场误会。JW说：“其实好早已经化解（恩怨）咗㗎啦，只不过我从来都无去话畀融融（Stephanie）听有呢件事发生过。”Stephanie就大声说：“好得人惊啊呢件事！我就即刻问佢误会咗几耐，佢到依家都话系一段长嘅时间，都唔知几长啊？识咗佢咁耐，但做今次呢个show好开心嘅，因为同 Joyce、Joey（JW）大家嘅交流多咗啦，我好钟意呢种感觉，真系一个好好嘅机会。”

Joyce在开场不久后唱了一首惨情歌《无表面伤痕》，并道：“讲个秘密畀你知，我曾经差啲结左婚。”然后更真情剖白自己现在的爱情观。二人被问到此事时，Stephanie回应：“我哋因为呢个show，约埋一齐倾偈，将自己嘅故仔同经历，希望分享出嚟，然后睇吓可以点样摆落个show度。听到佢（Joyce）𠮶啲又真系几惨，好多都好大impact咁。”她们更大爆在构思音乐会时，Joyce更问她们：“其实有啲嘢我从来都无话畀人知，系我有玩Tinder，但系我又唔介意话畀人知，你想唔想我哋喺呢度讲？”所以就有了在台上Stephanie爆Joyce玩Tinder 的一幕。