【十二传说】黄建东改搞笑本色做大学教授　揿女仔个头落水心惊惊

“恶搞王”黄建东（东东）一向以自家制二次创作和搞笑见称，但今次在无线剧集《十二传说》的“大学传说”中，饰演一位有很多感情瓜葛的大学教授，想不到正经演出叫人眼前一亮，东东说：“可能因为今次带住眼镜，着得好斯文咁见观众，加上个角色有好多内心嘅挣扎，所以收到好多留言话从来冇见过咁样嘅黄建东，原来我系可以咁认真同严肃，唔系净系搞gag。好多谢监制畀个机会带出我嘅可能性，同埋要多谢啲好对手好似饰演我前女友嘅林夏薇同埋老婆赵希洛等。”

今次东东的演出面临很多挑战，当中有一幕要被“老婆”赵希洛用刀刺死倒卧在血泊中，搞到隐形眼镜染色：“拍摄𠮶几日用咗好多血浆，成身都血淋淋。因为我戴隐形眼镜，返到屋企除眼镜时发觉原来啲血浆洗唔甩，成对隐形眼镜都变成粉红色，最后要揼咗买过对，好大牺牲。”不过，讲到最心惊胆跳的一场戏，要数用绳勒死一个女学生同埋强行淹死另外一个女学生，东东笑言：“做施刑者真系紧张过做受害者好多，因为好担心会整亲人。好似今次要揿个女仔个头落水，之前都沟通咗好耐，如果佢个头一退后代表佢要上水透气，我要即刻放手，所以拍嘅时候虽然个表情要好凶狠，其实内心系心惊胆跳同埋好大压力。”