【书展2019】孙慧雪热心为邓洢玲介绍男友　阿旦公开征男友条件

孙慧雪（雪雪）、邓洢玲（阿旦）周三（17日）出席书展，为写真集《私图》宣传兼进行签名会，原来一切只是顺其自然，雪雪说：“纯粹系影一辑靓嘅相，因为系生完bb减咗肥之后影，所以有得公开好开心。”阿旦亦附和：“冇谂过出写真书，但影出嚟效果又几好。因为11、12年第一次出冇乜自己Character，系公司塑造你系点，但今次就全部都系自己风格，所以影出嚟舒服啲。”

当记者问到有没有下一个拍写真的计划时，阿旦说：“我嚟近都会筹组旅游节目，反正都去靓嘅地方拍节目，不如顺便每个地方都留个倩影，然后可能好似雪雪咁写散文集或者旅游攻略。”雪雪则说：“成日人哋影我都系偏甜美，但我又唔觉，我想走型格路线，Cool得嚟又有美感。而家年纪大咗，应该成熟啲。”

孙慧雪称爸爸会介意自己拍性感的照片：“有时我社交网络啲相有少少性感，爸爸就会问我做咩，爸爸又会话：‘你第时生个女就知！’”相反老公却一点也不介意，反而跟她说：“你唔洗问我㗎喇，我底线一定低过你！”皆因老公知道她有分寸。阿旦亦同样不担心未来另一半会介意：“人大咗做任何工作最紧要自己开心，另一半都应该会尊重。”阿旦又说现时未有男朋友，叫雪雪介绍给她，条件是心地好、孝顺、喜欢动物和理解自己的工作。