孙慧雪新书写真首面世　散文集内容最动人

孙慧雪（阿雪）今日（12/7）现身铜锣湾出席新书签名会，现场吸引大批粉丝手持写真、散文集排队等攞签名。对于新书面世阿雪赞不绝口：“我都系啱啱先睇到本书，其实有啲相我之前系睇过，都忍唔住Post咗出嚟，但有啲相真系好性感嘅相，但我老公（罗天彦）一啲都唔觉得我好性感，仲话我都唔明啲人点解会觉得我性感，原来我老公一向觉得我好保守，哈哈！”

至于另一本散文集《那个愿没有圆》，原来背后隐藏着了一个动人故事。阿雪坦言说：“记得婚前之前，经医生确诊患有腺肌症，当时个腺肌瘤有成8cm大，每个月会大1cm，仲要压住我条脊骨，当时医生话如果谂住唔生小朋友，就可以选择成个子宫切除，𠮶阵时系我人生最唔开心嘅时候，之后仲要患上抑郁症，当时我老公同我讲无论有冇小朋友都好，都会话同我结婚，就系𠮶一刻好感动，我哋先结婚。婚后好幸运，我可以有我嘅小朋友，之所以我写呢本书，其实系好想去鼓励大家，当大家以为冇希望嘅嘢其实未必系。”