【欢乐满东华】黄建东扮经典大只人物　攞正牌“大开食界”

无线搞笑艺人黄建东最擅长扮鬼扮马，继早前扮《延禧攻略》的“伪璎珞”后，最新搞作是在 TVB周刊中扮演历届《欢乐满东华》最令人难忘的人物，包括吴刚师傅。

今次扮吴刚师傅，令黄建东可以攞正牌食嘢同埋化身大只佬：“拍摄工作如果遇上剧情需要我食嘢系最开心，因为我自己真系好为食，但系平时不断俾人催谷我要减肥，搞到我唔好意思喺人前食咁多嘢。而家导演指定要我食，我唯有服从指令食多啲。”

除咗食嘢之外，黄建东最开心可以化身大只佬偿还心愿：“其实系讲我要扮吴刚师傅，入行咁耐都系第一次着肌肉衫。自出世以来都未试过真正大只，原来大只嘅自己都几正几嗒得杯落。（咁有冇着完件衫的起心肝操大只？）真系唔敢再讲话的起心肝减肥，因为好似减极都咁肥，但变大只的确系我嘅心愿，相信有一日会实现。”

问到黄建东自入行以来，参与那一年《欢乐满东华》的表演是最难忘，他笑言应该是2012那届，因为他第一次参加“卡啦之星”演出，特别度了自弹自唱及 rap出东华精神呼吁大家凌晨仍要落力募捐，演出跟香港先生的才艺表演有些相似，创意同样获得大家嘉许：“我发觉我演出自己的创作是最得心应手，而大家又很喜欢，所以嚟紧会再自己度桥拍返搞笑片，希望可以带多啲欢笑俾大家。（TVB周刊实体版出最后一期有何感受？）当然会唔舍得，因为自己都是 TVB周刊的拥趸，已经留起最后一期做留念，希望将来网上版可以再见大家。”