程美段Kiwi扬言减幕前性感　经历“追粮事件”后：而家会拣Job

昨日（7/7）有商场举办品牌泳衣展，同时亦邀请到林秀怡、洛儿Lokyii、程美段（Kiwi）、钟晴4位“网民新欢”为泳衣品牌担任模特儿，展示最新一季的泳衣。此次节目更吸引到过百位“龙友”到场“霸位”影相。

程美段（Kiwi）接受《香港01》记者访问时表示近日忙于拍摄广告：“系同Bosco拍嘅，不过未出街就未讲得系咩住，同埋都拍紧煮食节目，同煮嘢食真系好有缘。”众所周知，程美段这个名字因与网台老板杜汶泽之间的“追粮事件”而爆红，她更一个默默无名的艺人，摇身一变成为网上热门人物。她更透露，现时已不会再随意接洽工作，所有事都已交由经理人公司负责：“而家已经会拣Job，未必全部系自己拣，经理人会帮我筛选。”

她更表示，有意为自己改变形象：“嚟紧想减少性感。（点解会接呢个泳衣骚？）呢个都系公司帮我安排，同埋呢个骚畀人感觉都好健康，唔系卖弄性感。”她同时也说，在接受工作前曾筛选过泳衣款式。“睇过拣过先，觉得啲泳衣阳光、健康先接个Job。”即是会减少以前动漫节或万圣节时的打扮？“呢啲嘢唔可以多㗎嘛，如果日日都有，大家都睇到厌啦。”

问及第一次行泳衣骚的心情，她回答说：“好紧张，因为我不嬲对自己身形冇乜自信。当然做嘢嘅时候要表现得好自信。我觉得我相比起其他女仔，会多肉啲，冇咁美感。（仲系唔满意自己身材？）女仔梗系想越瘦越好。（想不想自己再多啲身形‘曲线’？）我唔想吖，我想瘦返啲。我觉得我唔需要再丰满，反而想有返线条，有肌肉好Firm咁。”