【程美段专访】向杜汶泽挑机追数走红 敢言因有经历：我乜都做过
程美段向杜汶泽追数事件现已告一段落，此事除了成为香港人茶余饭后的话题外，亦间接带动了程美段（Kiwi）的人气。整件事由“爆料”、“隔空对话”、“杜汶泽公开道歉”至事件平息，都有如电视剧剧情般有高潮起伏兼追看性。不过食足“花生”之余，大家心底里可能也会浮出一个“黑人问号”：“WHO？呢个程美段系乜水？喺边度走出嚟？”就让她好好的说一次。
程美段与杜汶泽之间的劳资纠纷，暂且不说是谁是谁非，事实是，阿泽早前已分别在facebook和其网上节目道歉，而在无数Likes、嬲嬲之中，大众真正的讨论焦点，是一个乍看是卖身材的“𡃁妹”，敢于向一个娱乐圈前辈挑战，更何况那一位还是出名“有𠮶句讲𠮶句”的杜汶泽？因而向她报报以热烈掌声。事件之中，程美段的行为应称作敢言，敢“追粮”、敢出文反击，甚至是参与拍摄TVB《美女厨房》时被炒，也敢为自己认为遭受不公平的对待而出声。
有人同我讲过：‘你唔适合做呢行！’
自认性格不太懂说话 程美段：我细细个就俾人恰！
在娱乐圈中，戴著面具待人接物是常识吧？不过她却经常反其道而行。其实她敢言的性格，很大程度也源于小时候读书以及家庭关系。
“我细细个就俾人恰！”程美段自言未毕业出社会工作，读书时期的她其实不太喜欢与同学接触。“我由细到大都系孤独精、边缘人！以前读中学男女校𠮶时都有自己一班朋友，但系都唔系好讲嘢（或者说“埋堆”），唔知系咪咁，所以就成日俾人Bully，𠮶时佢哋会围住我，唔知想点又唔俾我走。（你冇反抗？）冇啦，好嚟好去就算。”
程美段Kiwi投诉“老板”冇出粮 杜汶泽fb澄清：你冇我电话咩？
【美女厨房】美女学徒程美段Kiwi被踢走 TVB PA：下集开始唔使返
曾同时做三份兼职 储够钱报读物理治疗文凭
中学毕业后，她就入读了物理治疗的文凭课程，她说：“妈妈一路都好悭，细个我哋都唔会出街食饭，除咗生活必需品，其他嘢都好少买，所以进修所有费用都系我自己兼职打工储落㗎。”为了减少妈妈的经济负担，她在中学时期就已经开始做Part-Time。“𠮶时乜都做过，酒店炒散做过、厨房又有、M记、万宁、7-11。之后读完书出嚟，就开始做Model。（签Model公司？）唔系，系喺啲Whatsapp Ｇroup入面自荐做Showgirl，喺街边派赠品，两年前一个钟都有$100-$300嘅。”为甚么不接酬劳比较多的“私影”？“有摄影师约过我去酒店影私影，不过唔啦，我担心安全问题。”最高纪录，她试过试过同时做三份兼职，白天做餐厅，夜晚通宵到服饰店执货。
自幼父母离婚 小时候已明白穷滋味
单凭上述几句，已知道程美段很早就明白揾钱要紧，因为她明白穷是怎样一回事。
“爸爸以前做开饮食业，妈妈就喺酒店做清洁、洗碗。细个住喺港岛区，搬过好多好多地方，不过都系离唔开湾仔铜锣湾一带，住嘅最多都系二、三百呎屋。其实好细个𠮶阵，妈妈喺菲律宾就已经嫁落嚟香港，𠮶阵时屋企环境好好多，后嚟系因为爸爸嗜赌，争落好多钱，喺我小学𠮶阵，妈妈先同佢离婚、分开住，先至一个女人揾钱租屋凑大我。”
【动漫节2018】美女学徒程美段着兔仔睡衣睇漫画：我觉得几可爱
【美女厨房】美女学徒程美段Kiwi形象百变 影过艺术全祼写真
程美段在网上爆红的原因，其实源自于她的出位火辣IG相 （点击细图观看）
家人被“恰”选择哑忍 长大后程美段则选择反抗
她自言，自小就与妈妈两人相依为命，所以与妈妈特别好感情。“细个我屋企人算系比较弱势，试过俾人恰，但系好多时我哋都选择唔出声、当冇嘢，所以大个咗出嚟做嘢之后，我就同自己讲：‘我一定唔可以好似佢哋咁，唔可以俾人恰，我要变强，强到可以保护到屋企人！’有时唔出声，就会更加恶化或者人哋得寸进尺，所以大个之后我都觉得唔可以哑忍。”
母冀回菲律宾生活 程美段做孝女：我想帮佢买楼！
问起加入娱乐圈后的愿望，她就表示现阶段希望为妈妈置业。“佢近期就同我讲话，佢好想返乡下，喺香港又冇人冇物。喺香港住咗好多年都唔惯，想叫我喺乡下（菲律宾）度买楼畀佢，所以就要更加努力。（咁你储够钱未，储足几多？）未咁快啦！”她说，如果以现时进度，不吃不喝储半年也有机会在当地买层二三十万的楼。“哈哈，不过妈咪成日都话我大使，又担心我冇钱用。我话：‘你唔使担心我，我有钱吖。’跟住我畀（家用）佢，佢就会话：‘我唔使啦，留畀妳自己使啦。’就算以前出啱啱出嚟做嘢，佢都仲有畀零用钱我。”
红不红没法控制 “要谂自己一定得！”
怕不怕自己只会“红一排”，人气转眼即逝？程美段沉思了一会：“要睇你点样去承接呢样嘢，呢次为你带来𠮶一下人气同工作，都要睇你点样接。咁多工作接到落嚟，又点样发展更多嘢。我觉得有时候、有啲嘢，自己本身都唔会控制到，或者咁讲：冇退路嘅时候，就唔好谂住自己唔得，而系要谂自己一定得。”
场地提供：芝士台