吴肇轩遗憾与黄秋生没对手戏：会无所不用其极喺佢身上学嘢

吴肇轩周五（5日）出席时尚品牌活动，透露最近刚进行了风车草剧团舞台剧《寻常心》的围读，接下来会开始排练。《寻常心》由梁祖尧、黄秋生、汤骏业、徐天佑、邵美君主演，吴肇轩说：“围读咗一次已经好过瘾，已经觉得戏味相当浓郁，可以喺几个前辈身上学到好多好多嘢。”吴肇轩又大赞全部前辈都很好：“我嗌肚饿，祖尧仲煮咗个日文版出前一丁畀我食，好窝心。”说到与影帝黄秋生合作：“好遗憾我同秋生哥冇对手戏，好想有，唯有期待下次合作。”他亦有在后台有向影帝取经：“开始排戏嘅时候我会无所不用其极咁喺佢身上学嘢。”

说到舞台剧与电影的分别，吴肇轩说：“最大分别系排戏用好长嘅排练时间，揾得个角色再深入啲，或者演员之间嘅火花、化学反应系点样；而电影就可能快少少，去到现场撞几个就已经系。我都好期待今次会挖掘到自己嘅一啲嘢。”问到舞台剧是一Take过，会不会有难度，吴肇轩就表示还好：“因为我本身系读APA（演艺学院），毕咗业三年都系做过一次舞台剧，今次再做都有啲压力、有啲紧张，但基本嘢都唔算太怕。”

吴肇轩偶尔会弹奏结他、展示一下歌喉，问到会否向歌手方面发展，他就笑说：“我好相信术业有专攻嘅，所以我觉得歌手系需要好多时间、天份去浸淫。我会继续加油，但未觉得可以当做一个职业去做，都系业余玩下、录下歌，如果有电影叫我唱主题曲我梗系唱，但平时都主要系唱下K、揸住支结他Jam下。”说到自己喜爱的歌手，吴肇轩就说有陈百强、Supper Moment、ToNick。