吴肇轩玩Busking有意闯乐坛　余香凝评歌喉：唔算话劲好听

吴肇轩以《哪一天我们会飞》出道后，成为影坛新贵片约不断，同时与音乐结下不解缘。早前佢参演张敬轩《百年树木》MV，又同胡子彤、张蔓莎大玩busking，更笑言有意合组“小张胡”闯乐坛。但问及系咪真系有意歌影双栖发展，吴肇轩就坦言：“钟意同可以当一个职业去做又系两回事！”

吴肇轩日前接受香港开电视节目主持马梓轩访问，透露曾经录歌但一直没有推出，佢大笑话：“咁你就知点解我话唔做歌手啦！其实身边朋友都好帮到手，但我依然觉得未够好，当然首歌录咗亦无谓浪费，我相信总有一日空闲啲，会将首歌搞埋出来！但歌手都系一个专业，所以我都系专心拍戏算啦！”

鬼马嘅佢趁住农历新年致电整蛊好友，睇下身边人支唔支持佢做歌手，马梓轩提议打给刘嘉玲，但吴肇轩即刻耍手拧头：“出歌呢啲粗重功夫，唔好麻烦嘉玲姐啦！”其后吴肇轩尝试致电给乐队RubberBand主音6号、小肥、雷深如等好友皆无人接听，令佢不禁反思：“我系咪得罪咗好多人？”好在余香凝终于接电话，对于吴肇轩嘅唱功，Jennifer话：“唔算话劲好听！”此时吴肇轩扮认真问系咪睇唔起佢嘅歌艺，Jennifer吓一跳即刻答：“唔系！我支持你唱歌！”最后得知吴肇轩玩紧大整蛊时，余香凝虽然有点无言，但收线前都不忘祝大家新年快乐！