谭咏麟冒雨湿身为撑警集会站台　钟镇涛：后生仔讲嘢真系九唔搭八

立法会议员何君尧今日（6月30日）在金钟添马公园发起支持警察执法的集会。现场除有过百人出席外，影帝梁家辉以及资深香港电影工作者、前警司陈欣健亦都配合大会主题颜色，穿着蓝色上衣出席。在现场，梁家辉被问及出席的原因时，他则表示不会说任何说话。当现场出席集会的人不断与他合照时，他仅称警方值得支持。

谭咏麟在撑警台上发言

除现身撑警集会的梁家辉外，谭咏麟、钟镇涛以及陈百祥（阿叻）都有出席。现场下著滂沱大雨，谭咏麟、钟镇涛亦有上台致词。谭咏麟：“警察哥哥，你哋辛苦晒。我唔识用粗口讲，但系我可以用我哋言语表达，就系，如果再咁落去，香港系冇得救。因为执法人员咁样俾人攻击，全世界都未见过。如果大家去过世界各地，睇睇其他国家嘅暴动，系真真正正示威𠮶啲俾人扑头。𠮶啲唔好再讲，太血腥啦。只能够讲一样嘢，希望我哋家和万事兴，好冇？我哋继续支持警察！再咁搞落去呢，冇人可以管治到香港，唯有请一个人出嚟，我话嘅！就系叮当，同埋大雄，攞个法宝袋出嚟，唯有系咁㗎啫。”

钟镇涛：“大家辛苦晒，头先阿伦讲得啱。身为一个演艺人呢，讲呢啲就几危险下，但系我哋而家唔系讲政治，我系讲正义，正义系每一个人都有嘅。呢啲系基本常识嚟嘅，而家啲老师应该教下啲学生。今日我上嚟嘅其中一个原因，就系畀啲仔女睇下，知道乜嘢系啱，乜嘢系唔啱。因为我睇见好多后生仔，好似真系唔识嘢咁，佢哋讲嘅嘢系，粗俗啲咁（形容），真系九唔搭八，我听唔明㗎。点解会咁嘅呢？孝顺父母系应该㗎嘛，奉公守法系应该㗎嘛，所以我嚟呢度支持警察，支持警队！”

同时，艺人陈国坤亦于个人Facebook上分享了一篇由“向香港警察致敬”张贴的RTHK影片，港台记者在金钟附近访问一名伯伯。该名伯伯在访问中表示支持《逃犯条例》：“条例系冇问题，应该做嘅。因为对大部份市民系冇关系，只系对罪犯。”两位分别在剧中或电影中都饰演过警方人员的演员，都不约而同地，亲身或在网上表达对警方的支持。

早前陈国坤都发表过自己意见：
【逃犯条例】陈国坤撑警队对“暴徒”不手软：一个都唔好放过