【反黑2】最强反派张耀扬有望亮相　陈国坤：点都好佢都要客串下

陈国坤（小龙）今晚（18/3）出席在湾仔举行的《东影业周年晚宴》。史上最强网剧新一辑《反黑2》即将开拍，小龙表示：“剧本都写好晒，准备功夫都准备得八八九九，依家最头痕系揾演员，因为套戏里面嘅演员需要比上一部戏多出一倍，所以喺第一季嘅时候买点都系我哋经典嘅演员，咁到我哋第二季嘅时候都想有返啲咁经典嘅演员，坊间都会有好多，其实我哋都有揾过张耀扬，尽量都想满足返啲观众。”

有指张耀扬因工公务繁多，因此辞演该角色。小龙笑言：“因为我哋仲系筹备阶段，当时又唔想太过公开，咁所以又冇话唔成事嘅，其实系有同佢倾过，我哋其实好想佢参与，依家要睇下佢大哥大，帮唔帮下手啦，无论点都好佢点都要出现下，客串都要，讲返呢一套剧有著纯香港味道，我哋好想将以前嘅前辈，将香港最辉煌最团结嘅时候希望带返畀观众，当年电影市道最蓬勃又团结嘅日子，咩电影题材都接受。”