【后生仔倾吓偈】麦明诗豪借过百万畀朋友：我知佢老窦有层楼……

最新一集《后生仔倾吓偈》以“帮人可以去到几尽？”为题，无错，到底可以去到几尽呢？“借100万比朋友”麦明诗嘅答案绝对系震撼了全场！不过要做到咁尽，首先系你要有100万，麦明诗就话自己因为已经做咗嘢3年几，所以都有一定积蓄……

至于呢件事点解会发生呢，麦明诗表示：“为我朋友几叻仔嘅，佢做生意，有啲周转问题，咁我相信佢真系周转问题，而唔系假周转嘅问题，我问佢要借几多，佢话一球。”一开口就系100万，呢位朋友都几睇得起麦明诗，就连冯盈盈都疑问地表示，点解呢位朋友唔问几多个朋友借呢。点知，麦明诗嘅答案仲精彩：“佢总共唔系要100万，而系要200万，但我同佢讲200万一定唔得。咁100万我都有嘅，掹晒出嚟的话。”麦明诗仲话自己因为无咩点买股票，所以手上有100万现金可以借出，而佢对呢位叻仔朋友似乎亦十分之信任，更笑言：“咁其实我都唔系完全无计过数，因为我知佢住边，佢老窦都有层楼，如果到时我咪蹲喺佢门口啰。”识朋友，真系要拣麦明诗呢一类，100万，随时快过揾邦民！