【逃犯条例】网民赞IG贴黑衣衫上街 王灏儿：大家可以领略吓
撰文： 吴子生
出版：更新：
王灏儿（JW)今日（19/6）现身尖沙咀出席《明爱暖万心》记者会。JW表示明爱慈善活动经已参与很多年：“点解我会咁有记忆，因为佢哋次次都喺我生日前或者后举办，咁所以我年年都记得我有参与明爱活动，以前细个只系透过电视银幕接触，但而家可以直接参与感觉好特别，而又觉得好有意义，因为可以用自己嘅身份带动其他人一起参与捐款，用生命影响生命。”
本港就《逃犯条例》修订惹起争议，6月16日（父亲节）民阵发起游行反对修订，大批市民上街游行表达诉求，当晚民阵宣布游行人数达200万人。JW当晚（16/6）在IG贴出一张和爸爸及姐姐身穿黑衣上街照片，与民阵呼吁游行人士当日穿着黑色衫上街，不谋而合。JW直言：“𠮶日系父亲节，我哋一齐食饭，食完饭就出去行吓，我觉得系一个好有意义嘅父亲节，当中有咩意思，大家自己可以领略一吓。”
JW情深直说：“我又细到大都系香港长大，咁所以当你自己喺呢个屋企，发生嘅多事，心情一定会受到影响，咁我最希望香港人嘅声音可以被听到啦，我觉得大家最梗要系多沟通，多啲明白大家嘅声音最梗要，亦明白做艺人讲又俾人闹，唔讲又俾人闹，所以好多艺人讲嘢都会好少心，咁所以有时真系要体谅，其实你会睇到好多个人都系好关心嘅，因为大家都系爱香港。”