【专访】微辣嘅人全部都系咁白痴？　Rachel：我都戆居咗好多！

早前无论搭巴士还是地铁，或浏览各大网站，都经常见到Rachel＠微辣的“谭仔”宣传海报，就连我阿妈都拿著电话问：“阿仔呀？呢个女仔边个嚟㗎？好红㗎？”一连两个问题，我应接不暇。第一，我认为要向阿妈解释什么是KOL；其次，我不懂得如何向她很实体化的解释Rachel在网络的人气，逼不得已之下，我尝试利用她的语言回复，说：“呢个女仔叫‘喱噪’，有成7万人追踪佢个‘飞卜’㗎，你话红唔红？”只见阿妈仍然一脸疑惑，“无乜嘢我返公司做嘢先，”我说。

试著向“前辈”解释

“微辣Manner”，是近年港澳极具人气和名气的短片频道。它们制作的短片无不轻松谐趣，甚或令人捧腹大笑，其Facebook专页已吸引过百万followers（追踪者）。“微辣”拥有一批自己的演员，每人都各有特色，每人仿佛都代表著某一类围绕所有人身边的朋友／同事／同学／家人。其片段中的对白，亦往往是埋藏于一般人心底里的心声，再正确点，是那种不能说出声的内心对白。共鸣，是“微辣”最强的板斧，正如它的口号：“生活的调味”。而“微辣”的演员在网络上很受欢迎，例如六豪子、加葱、霍哥、豪Dee、Yelo、Tina……等等。今次专访的主角，是代表著清纯初恋的女演员－Rachel（刘蕴晴）。

幕后变幕前－“系咪真系我想要嘅嘢？”

Rachel加入了“微辣”已经有一段时间，现今已成为不少粉丝追看的对象。但其实Rachel加入的初期，并非要做一个“演员”，她说：“我最初都冇谂过要拍嘢，我系钟意音乐，有写开歌，起初有啲片配乐同原创音乐都系我有份去写。”过了一段时间，“微辣”开始为Rachel安排角色，渐渐地，她就在网络界闯出一番名堂：“一开始拍片系连表情都唔识做，对我嚟讲，唔好笑已经系一个挑战！我本身都系打算乖乖哋做幕后，而做幕前就系争个人帮吓手𠮶程，但当愈做愈好，我就好似正式做咗个演员咁，但系咪真系我想要嘅嘢呢？”

“我无后悔做演员。”

其实Rachel之前已经推出过个人EP，希望在未来的短时间内，再推出第二张，一碟三曲，更准备在香港派台：“应该算系出道啩？”在不断履行演戏工作的同时，又要分配时间去创作音乐，奈何面对最公平的“时间”，Rachel慨叹并不够用，不过，她并不认为演戏是音乐上的障碍，没有后悔，而且思想积极：“我觉得无论系演员方面嘅我，定系音乐方面嘅我，终究都系我。可能大家目前认识嘅系做演员嘅我，比较开朗嘅，比较搞笑啲。但人系好立体，我喺音乐方面又会骚到另一方面嘅我。而家因为拍片会多咗人认识，其实都系一件好事嚟嘅。”

“我都戆居咗好多”

刘蕴晴表示自从加入“微辣”之后，性格上改变了很多，由内向女生，蜕变成勇于面对人群的Rachel：“我份人本身都系内向少少，冇咩嘢讲，钟意自己坐喺间房，发吓佝瞀（吽哣）。不过入咗去之后，个人开朗咗好多，都戆居咗好多！其实我认识嘅佢哋，由开始到而家都系咁白痴！虽然佢哋比较傻啲，但佢哋都系一班好人嚟嘅。”今次能够接拍“谭仔”的广告，除了需要继续担任演员的角色之外，Rachel亦有机会发挥音乐才华，为广告作曲兼主唱，对她而言，确实是一举两得的成果：“之前未主力去做音乐，系因为我觉得未系一个好好嘅时机去真正推出呢一样嘢，而家系一个过程。”

“畀多两年时间我”

原来除了小编的阿妈之外，Rachel母亲对“网络世界”的认识亦不太深，她曾对自己女儿的前途而感到担忧，Rachel说：“佢都反对过，叫我去揾份‘正经’嘅工作。但当时我已经做紧，我同佢讲，不如畀多两年时间我，睇吓我可以做到啲咩出嚟。”一年时间已经过去，Rachel成功成为一名薄有名气的KOL，其母亲更写了一篇长文去鼓励自己：“佢话见到我毕咗业之后可以做到自己钟意嘅嘢，又多咗人认识，见到观众对我嘅评价咁正面，所以好开心，周围同人讲喺巴士度呀，地铁度都见到我个样！好似好自豪咁！”

后记：Rachel的秘密纹身

或者未必有很多人留意到，其实Rachel的背脊有一个纹身，Rachel笑言：“系蜂鸟嚟。（原因呢？）我由细就对雀仔有恐惧症，系愈细只愈得意𠮶啲我就愈惊。我细个有一次去超巿，有𠮶啲蛋中鸡卖，好血腥好核突，可能睇咗𠮶啲就有阴影。又记得一次喺条街度，见到啲好细只嘅唔知系麻雀仔定系咩，突然间佢离我好近，我又冇心理准备，惊到我返到屋企都觉得有啲头晕想呕。我意识到我自己有啲恐惧，所以我要克服佢，跟住我就每日都去睇啲雀仔，每日都逼自己睇，睇到后嚟我都觉得蜂鸟几得意，所以就纹咗上去。”

Rachel嘅形象真系好贴地：