【专访】每周一次出入富豪饭堂“福临门” 程可为：好普通之嘛！
所谓鼻头尖小而无肉，饮水都中剧毒；又所谓颧骨高挺又凸露，老婆就猝死黄泉路。
“程大姑”，是无线资深演员程可为（Rainbow姐）的暱称，近20年在无数TVB剧集中饰演例如妈妈、大婶、三姑六婆、师奶等的角色，又称“御用阿妈”。其实现时68岁、出道47年的可为姐在演艺事业起步之时，是无线力捧之一的花旦。Rainbow姐于1972年参加第一期TVB艺员训练班，与甘国亮、许诏雄、苏杏璇等为同期同学。1975年，Rainbow姐更与赵雅芝、杨诗蒂、庄文清以及高妙思合作拍摄剧集《乘风破浪》而备受关注。
点击睇吓Rainbow姐嘅靓相：
连广告都系做阿妈！
观众早前除了可以在无线剧《福尔摩师奶》看见Rainbow姐的演出外，在“微辣”亦可以发现其足迹。Rainbow姐获“谭仔”邀请，与微辣合作拍摄了一段剧情短片，皆Rachel刘蕴晴饰演母女，同时亦在“谭仔”任职侍应。为了演活“谭仔阿姐”的神髓，Rainbow姐更在开拍之前学习“谭仔话”，其后又以“谭仔话”与Rachel合唱、rap了一曲：“rap歌我都系第一次，算系好彩嘅系我自己本身喜欢唱歌，下意识都跟到啲韵律。”
点击睇吓Rainbow姐点rap：
演足20年妈妈：唔可以话求其噏完就算数！
近20多年，Rainbow姐主演妈妈、大婶的角色，她说：“公司觉得我似先安排咁嘅角色畀我做啫！（所以而家演阿妈系易如反掌？）又唔可以咁讲嘅！有啲妈妈都要势利啲，唔可以话求其噏完就算数，始终都要放啲感情，上文下理，要贴合返个剧情，唔可以咁羞家，话晒都系无线训练班第一期！叫就叫做大师姐！”其实Rainbow姐无论是演慈祥的人母、狠毒的皇后、诸事八挂的大婶均能驾驭，不过现实中认真的她，收起笑容，样子却非常严肃，她说：“系呀，我稍为眼神一望，佢地（同事们）都怕怕哋我，因为系一种好严厉嘅眼神。”
妈妈有千万种 “做一世阿妈都唔会厌！”
曾经听过很多演员说过，大部分都希望自己所演出的角色能够多元化，尽可能不会重复，然而，演过无数次妈妈的Rainbow姐却从不厌倦：“点解会厌啫？角色系唔同嘅妈妈，有唔同嘅个性，唔同嘅环境。如果你做一个妈妈嘅角色都话厌，咁你点喺呢个电视圈企四十几年呀？都走咗好耐啦！”能称得上为“御用”，换个角度是一个实力的肯定，然而Rainbow姐却不以为意：“我觉得我唔系一个好成功嘅演员嚟，我唔系咁叻，不过系叫做好彩过到骨。我内心都话我听，唔好谂要攞咩奖，我觉得好失礼，你畀咗我，我都觉得丑，我唔系要呢啲嘢，至于能力系咪真系咁好呢？就见人见智啦。”
Rainbow姐：“我至憎结婚！”
虽然Rainbow姐做足20年阿妈，但现实中她却从未成家，没有结婚、并无儿女。提到这个话题，Rainbow姐即突然表现激动：“我至憎结婚！你唔好同我讲结婚，我而家咁老都唔想讲结婚喇！我唔钟意嘅，我唔觉得系一种幸福。你未必拣到一个啱嘅人，大家嘅意想一样，又要大家对住对方而唔厌，人嚟㗎嘛，生活过得太平淡佢哋就会想揾刺激喇！（男人？）我又唔敢咁讲，我唔批评人哋，总言之唔好搞咁多，简单啲，而家咪几开心？”
移民后转行做地产
1983年，当年33岁Rainbow姐芳华正茂，但她却突然移民加拿大：“我记得我细个嘅时候，阿妈三日唔埋两日就寄生油又或者其它嘢，寄衫呀，讲唔出嘅嘢都寄返内地畀舅父㗎喇！我都冇概念究竟系咩嚟，应该就系冇先叫我哋寄，如果第时1997收返香港又会好似内地咁，我哋喺呢度食惯叹惯，咁咪好大煲？”Rainbow姐并不恋栈名利，作为家中大家姐的她，为了弟妹前途和学业，毅然放弃演员事业，息影移居加拿大：“我转咗做地产经纪啰！（做地产经纪……）开心，好开心！因为𠮶时啲人个个都系慕名而嚟，个个都知道‘程可为’三个字，知道我系TVB艺员，啲人去到𠮶边人生路不熟，睇报纸睇到我个名就嚟揾我买屋，咁我咪有生意啰！”
否认系富婆？ “福临门”好普通之嘛！
外界一直有传，程可为是富婆一名，与当年人称“Benz雄”的许绍雄齐名，但她不是驾名车回电视城工作，而是经常出入“富豪饭堂”之称的“福临门”：“其实好普通之嘛，你唔使餐餐食𠮶啲鱼翅呀鲍鱼𠮶啲㗎嘛？食小菜都得㗎嘛！（真系当饭堂？）饭堂又唔系，一个礼拜一次左右啦，富翁就日日食，不过我唔系！其实我系一个好钟意享受嘅人，就算我赚咗$1,000，我都可以大胆食$700。”Rainbow姐平时不用工作，最喜欢找个环境舒适的地方叹杯咖啡，享受平淡人生：“唔系咁你想点呀，跳高、跌低又再跳高咁呀？唔好玩啦，平淡啲嘅人生系享受嚟㗎，唔好咁癫啦！”
专访当日Rainbow姐还分享了很多人生态度：