王丽嘉坚持做自己以性感一面示人：街到啲人成日望住你都冇办法

王丽嘉（Irisa）周三（5日）出席时尚品牌活动，一向以性感打扮著称的Irisa，今日也毫不例外，配搭羽绒的内穿十分吸睛，傲人身材表露无遗，Irisa惊讶地说：“今日著羽绒㖞！因为太热喇，里面唔可以著衫！”说到平日钟爱的打扮，她说：“我钟意简单、舒服，所以好钟意街头风：Sweatpants、Croptop；虽然我唔系著好多运动，但我又好钟意著运动衫，：Yoga pants、Sport Bra。”

炎炎夏日的到来，也使Irisa更趋向性感打扮：“都唔系特登著到好Sexy，其实都系平时著衫咁！因为香港好热，最重要都系自己舒服，唔可以介意人哋谂咩，街到啲人成日望住你都冇办法。”因为衣著性感而经常收到各种各样评论的Irisa，大概是鬼妹仔性格的关系，对于不同的评论她都看得很淡：“我多数都唔睇，ignore咗佢就算！”

妈妈马诗慧经常为Irisa的性感照片亲自掌镜，Irisa就对妈妈的摄影技巧十分满意，她大赞：“好好啊！佢好明白我想要咩，知道我钟意咩，又好识影！其实佢对自己都好高要求，所以佢唔会好容易放弃，佢会影好多张、好有耐性。”通常马诗慧都会拍到Irisa满意为止，而且并不介意她以性感一面示人。