为王曼喜王丽嘉掌镜影超级性感照　马诗慧：又唔系猥琐靓咪得啰！

马诗慧（Janet）今日（24日）出席护肤品牌活动，分享了属于自己的护肤心得：“清洁个步骤好紧要，清洁嘅部分做得好，再用其他护肤品先会吸收得好。”Janet又认为想皮肤好就必须勤力：“我相信自己都几勤力，早晚都会做好清洁、Moisturizer（保湿），每个步骤我都会做足，我又会定期做Facial。”看来想皮肤好，一点也不可以偷懒啊。

Janet与老公王敏德（Michael）近日结婚27周年纪念，Michael在个人社交媒体上载二人在泳池戏水的合照放闪，又公开示爱；问到二人的相处之道，Janet说：“其实冇话咩秘诀，两个人相处真系一盘学问，我哋到今时今日都学习近，信任、包容、忍耐讲就好容易，但要做好难。”当问到老公有什么表示时，Janet露出幸福的笑容：“其实佢一路以嚟都系个几浪漫嘅人，我就差啲；佢久唔久就会送下花、小礼物，我有时就衰、好现实话‘花几日就谢，不如唔好送花？’但其实礼物最紧要都系心意。”

说到近来两个女儿王曼喜（Kayla）与王丽嘉（Irisa）都在各自的社交媒体分享尺度甚大的性感照片，作为妈妈的Janet则对此抱开放的态度：“我觉得冇问题，靓咪得啰！啲相出到嚟又唔系好猥琐，系好健康又靓，冇问题㗎；而且啲相大部分系我影嘅，我都好欣赏自己嘅摄影技术！”问到作为妈妈可接受的尺度，她忽然正色地说：“当然三点唔可以露！”和爸爸的想法有分歧？“开始嘅时候会有少少，但而家佢都已经慢慢习惯咗。最紧要张相出到嚟感觉系咪真系靓，我谂个女自己好清楚，所以佢哋先会Post。”