拍《荷兰好玩》闯阿姆斯特丹夜店　冯盈盈：同后生仔倾偈交换联络

冯盈盈今日（31/5）现身马鞍山出席《第二届全港食鸡大作战》发布会。提到打机盈盈表示最擅长打音效游戏，认为自己节奏感比较强：“但系我都会陪男朋友玩足球游戏，当中可以学下足球嘅知识，咩叫做越位，男朋友同我玩嘅过程佢比较叻啲，佢会感到特别满足感，而一啲战争生存游戏我都有同一班后生仔玩，仲玩到好头入，连咪高峰都俾我嘈到差啲坏埋。”

早前盈盈孖住好姊妹麦明思，远赴荷兰为无线拍摄节目《荷兰好玩》旅游特辑。盈盈透露勇闯“红灯区”，探访当地性工作者：“我哋接触到一名75岁女性工作者，在访问当我哋都有问佢行内嘅嘢，亦有去酒吧及夜店同啲后生仔饮下嘢倾下偈，了解佢哋嘅生活文化，希望有多啲嘅文化交流，咁我哋就交换咗社交平台账户，方便日后联络，如果佢哋迟啲嚟香港时，我哋就带佢哋玩。”

此外，盈盈透露今次拍摄旅程当中，最具体力劳动是“扑车”环节：“其实呢一个玩意是当地新兴，佢哋会提供一部完整旧嘅汽车，俾我哋尽情发泄将车打烂，从中俾我哋建立一啲乐趣又或者得到一啲快感，呢啲咁精彩嘅内容，迟啲可以喺节目中睇到。”