出发《荷兰好玩》前相机失窃　冯盈盈哭诉：部相机对我好有意义

《#后生仔倾下偈》两位主持冯盈盈（FYY）与麦明诗，今日（5月13日）就会出发到荷兰首都阿姆斯特丹参与拍摄新节目《荷兰好玩》。不过出发前，就有不幸事件降临到FYY身上，更令她在IG上向网友哭诉。她接受《香港01》访问时，就向记者道出事件始末。“我哋星期一6点半就会出发，点知我部相机就俾人偷咗，呜呜呜，第一次去欧洲都冇得影靓相。每次旅行我都一定会带埋佢去，每次有咩Events、台庆、颁奖典礼呢啲大型活动，部机真系跟我去晒所有地方。”

她讲述“相机被偷案”经过：“我寻日（5月11日）揸车去一个大型商场停车场，泊低架车上去买嘢食饭。返嚟之后就发现车上面漏低嘅相机袋喺度，但系入面嘅相机同镜头就不翼而飞咗。我明明记得落车之后系有锁车，仲要锁咗好几次嚟确保架车锁好先走。之后麻烦商场保安睇返闭路电视，先知喺我离开咗5分钟内，就有第2个男人上车，然后我啲嘢就唔见咗啦。”

据了解，该部相机为Sony牌子的专业型号相机。她表示相机在2年买入，加上镜头价钱超过2万元。不过，相机本身价值都是其次，原来这部相机对于她来说还十分有纪念价值。“最紧要系相机对我嘅意义，其实我而家所有社交平台Post嘅靓相，都系呢部相机出品，部相机都跟咗我2年几㗎啦，系宝宝（冯盈盈对现任男友的暱称）送畀我嘅礼物。呢份礼物都好特别㗎，因为佢讲过佢好憎帮女仔影相，喺识我之前都唔会帮女朋友影相，更唔好讲特登买新专业相机嚟帮佢哋影。但系佢见到我有呢个需要，又好想帮我留低啲倩影，所以佢话打破咗自己‘唔帮女仔影相’嘅原则，主动买部相机畀我，同埋做我以后嘅御用摄影师。”

冯盈盈表示，今次相机失窃，除了失去了甚有纪念价值的相机外，还损失了一些相机中照片。“不幸中之大幸，就系几日之前就已经换咗张新记忆卡，所以𠵱家唔见咗嘅都只系呢两日工作花絮嘅相，同埋我都有Backup，又或者有乜其他相会外泄，呢啲情况都唔会发生。”她更说，因为看得出贼人是惯犯，所以并不会因为贼人交还相机而不追究，“唔会话还番返部相机畀我就唔追究。”

大家如果唔见相机，会唔会好似FYY咁处理呢？不妨留言表达下。