【唐人街】唐诗咏并非酒店密会女主角：唔介意大家幻想我系个女仔

唐诗咏周三（29日）与电视剧《唐人街》一众演员及工作人员进行收工饭聚，现场气氛非常热闹。诗咏分享拍摄时的每个片段都很难忘：“我从来都冇做过一个老千嘅角色，最难忘都系打戏，我拍亲戏都系俾人打多，好少会打人，第一次打人觉得好难好难，今次各方面都好大挑战。”

每逢拍打戏，诗咏又会找同场的演员练习：“我一得闲就会捉住边个同场嘅，例如伍允龙或者武指喺到，我就捉住佢哋同我练。我记对白OK嘅，但记招好差，所以我要重复做好多次先记得。”因为第一次挑战打戏，所以拍摄期间在调整力度上也下了不少功夫，唐诗咏说：“我记得第一日去打嘅时候监制话我太细力，我就去练大力啲，点知之后又太大力，我就好惊打到佢哋，我就发现打戏有好多技巧需要去练习，对唔住啊！”

唐诗咏今年的生日也在拍摄中度过：“𠮶一日系由朝开到晚，好开心佢哋记得我生日！𠮶一日就冇咩人同我倾计，好平静、好冷淡；夜晚嘅时候排排下戏，监制突然之间话：‘唔得！再嚟过！’我就谂死啦，系咪我做错嘢，我就再咪熟剧本，然后佢哋就送咗个蛋糕过嚟。我之后先知原来佢哋谂咗好耐，点样去俾个惊喜我，𠮶下系好感动。”

博客叶朗程日前分享了一个与女子到六星级酒店私会的故事，而唐诗咏就被指是文章中的女主角——金牛座女子，她就作出否认：“其实个作家都澄清咗，我之前冇讲嘅原因系我觉得唔系事实嘅嘢唔使回应，唔关我事我更加唔去回应。𠮶晚同我食饭嘅圈外朋友都识咗十几年，佢哋一定唔会系𠮶啲人，所以我冇去考究，其实上网攞一张相好容易。我唔介意大家幻想我系个女仔，但个故事唔系我嘅真实故事，大家要分返开。”说到对爱情的看法，诗咏说：“我觉得人越大，就觉得缘份越重要，爱情系冇得去心急，只系佢嚟到嘅时候你捉唔捉得住。”