【唐人街】姚子羚对爱情不失望：无论咩类型嘅爱我都会继续去相信

姚子羚（Elaine）周三（29日）与电视剧《唐人街》一众演员及工作人员一起饭聚，现场气氛非常热闹。Elaine亦分享了在剧集中有不少打戏、吊威也戏、与陈山聪上山下海，甚是辛苦，以致越打越瘦，剧集拍摄了近半年时间，戏服都已经不再合穿。Elaine又控诉：“成套剧伤得我最重就系陈展鹏踩我！呢套剧完咗佢一定差我餐饭，佢亦都应承咗，𠮶日我哋唔系拍打戏，但佢跳入镜就踩咗落我只脚，之后即刻肿咗，仲瘀咗好一段时间！”以致陈展鹏带著歉意每天都问候Elaine；她又续言其实这个剧组十分有爱。

继陷入四角关系的传闻后，姚子羚这边厢才澄清自己与Raymond之前已经分手，双方已回复普通朋友关系。一波未平一波又起，另一边厢Elaine又陷入桃色风波，被指是以她为主角的性爱短片在网上流传，虽然已作否认，但难免还是会成为被讨论的对象，实是多事之秋。姚子羚回应心情已平复不少：“我发咗一篇文章，其实都系子羚内心嘅感受，都希望多谢一直以嚟支持我嘅人。我觉得相信姚子羚嘅人，就算我唔去逐一解释佢哋都会相信我，好多谢佢哋。”Elaine又再次强调艺人也只是普通人，问到是否不想大众太关心她的感情事，她说：“我知道大家好关心子羚，无论系工作定系感情生活，就算我将来拍拖都好，都接受大家关心，知道大家系锡我。不过希望将来多返少少正面嘅新闻、希望可以多啲正能量，我谂呢个系我最想睇到。”

经历完近来的众多风波，当问到Elaine会否改变对爱情的看法，她说：“我始终相信一点，妳对人好，人哋都一定会对返你好。我觉得爱好紧要，无论对边个，爱都系最重要嘅一点，我会做返我自己，无论咩类型嘅爱我都会继续去相信。”问到接下来期许怎样的爱情，Elaine就说：“冇谂喇，其实我不嬲都冇谂过要咩形式嘅爱情，唔会关乎于身份、背景、外间所讲嘅富有或贫穷都好都唔关乎嘅，主要都系感觉同一个缘份嚟嘅，同条件上冇直接嘅关系。”