【齐惜福社区厨房】王敏德以身作则做义工︰公公婆婆认得我好开心
撰文： 叶诗
出版：更新：
王敏德（Michael）今日（24日）以义工身份出席齐惜福社区厨房慈善活动，派饭予社区的公公婆婆，Michael说：“我觉得齐惜福嘅工作好有意义，好开心可以帮到有需要嘅人、派多啲饭𩠌畀佢哋，最紧要系见到公公婆婆都开心，我哋要多啲关心佢哋。同埋齐惜福收集可食用剩余食材再烹调成饭盒，都系一个环境保护嘅方式。”
王敏德身体力行支持慈善活动，他希望能为社会出一分力：“应该做多啲慈善，我都希望多啲朋友联络我、约埋我帮手。”身为三个孩子爸爸的Michael又希望以身作则，与孩子一起做慈善：“对社会有帮助系好紧要，每一个Generation都有责任去帮助弱势社群。”另外Michael亦十分留意环保议题：“政策好重要，每个国家、城市、社区都需要被教育，先可以做到可持续发展；好似我老婆去Shopping有好多包装，当700万人都累积呢啲包装就形成一个问题，我玩直升机见到我哋嘅堆填区已经系饱和状态，所以应该有多啲呢类型嘅活动。”
Michael又对活动期间公公婆婆认出他而感到高兴：“婆婆认得我话：‘系鬼佬啊！’见到佢地笑得咁开心，我都好开心。”他又透露将回归小荧幕，日前与苗侨伟、黄宗泽完成了电视剧《飞虎之雷霆极战》的拍摄：“角色上同前几集都几相似，但今次有多啲机会揸直升机，因为我做一个飞虎机师。”
【齐惜福】齐惜福饭盒赞助：每 $12 = 剩食转化为 1顿热饭予长者及基层
https://heart.hk01.com/zh/project/10128