【容祖儿Love in L.A.】享受做宅女甚少下厨：我入厨只有一个原因

今年是乐坛天后容祖儿 (Joey) 踏上她的音乐旅途20周年，她的音乐特辑《容祖儿LOVE IN L.A.》第1集昨晚于无线播出，Joey特地飞到美国洛杉矶并前往她偶像Bruno Mars的录音室，跟一班当地的乐手一起录音，令她大感兴奋：“系我人生中一个好值得纪念嘅日子嚟，我一定要唱好啲。”Joey重提她成为歌手后的第一首歌《未知》，原来是她亲自揾返来的：“呢首歌系我胆粗粗咁拎去畀我公司当时嘅老板李进，因为我好钟意呢首歌嘅原曲《Crush》，咁我就问佢可唔可以畀我去改编呢首歌？佢话‘好呀，你钟意吖’，咁就决定咗我嘅第一首歌《未知》喇。”

Joey除了唱得，仲好跳得，在台上载歌载舞绝对难唔到她，但其实她并非天生的舞者，是花了很多的心机和努力才有今天的成绩。她最初入行时更曾被跳舞老师嫌弃：“12年前我嚟L.A.学跳舞系因为唔忿气而嚟嘅。当年我18岁左右，公司签咗我但系未出碟，当时我个跳舞老师偷偷地同Mani (Joey 经理人霍汶希) 讲，话叫我不如唔好跳啦，因为佢觉得我无咩天份，佢话‘我都唔想嘥你哋啲学费，呢个人应该无咩前景㗎喇，放弃啦！’但系点解我喺香港无进步，去到L.A.就有呢？系因为喺香港我觉得自己放唔开，个人好怕丑，比较内敛。之后去到美国就觉得无人识我嘅，喺𠮶个环境就训练咗自己嘅勇气。当我面对咗自己嘅好同唔好之后，进步就快咗好多。”

至今已出过30多只唱片的Joey，谈到她最喜爱自己哪一首歌，表示：“好难拣，但系《墙纸》一定系其中一首我偏心嘅歌，唱紧呢首歌嘅时候，就好似佢个MV入面咁样，好似自己一个人坐喺旋转木马度，有一种甜中带苦嘅感觉，人生有好多时刻都系甜中带苦嘅。”Joey在特辑中还大爆自己其实好享受做宅女留在家，而她平日绝少入厨。她说：“喺入厨方面，我系比较吝啬嘅，我喺香港入厨只有一个原因，就系拍拖喇。”

以下就系Joey音乐特辑嘅精彩片段：