容祖儿坦言同刘浩龙已分了手好耐：结婚同恋爱唔一定必要

正所谓健康是无价宝，容祖儿踏入2019年亦都要努力调理身体，她说：“前一段时间我个人处于好亢奋嘅状态，工作上成日都好似要冲住咁样去，年龄同体力上都消耗好多，所以今年系一个好嘅时间畀我去调理，我睇咗中医。”祖儿服完中药后睡得比以前更好，笑言好神奇地每晚都识得眼瞓，且没有那么怕冻，而原本性格比较急躁的她也没有这么“忟憎”：“我个人追求完美，但世事系无完美㗎嘛。医师叫我解决唔到嘅嘢就摆埋一边，食完啲药我又真系唔忟憎㖞。”

Joey又透露将会同好姊妹Twins的蔡卓妍和钟欣潼一起去旅行，对于她们两人均会带同另一半同行，去年被传已跟师兄刘浩龙分手而回复单身的祖儿，就表示自己仍未找到另一半。问到祖儿何不找师兄一起出游，她说：“吓！冇㖞！冇咗好耐啦！(之前有传你哋复合？) 作为艺人，我所讲嘅每一句说话同声明对任何人都有影响，感情事我一直系想低调处理，但既然问到我，我就好诚实咁同大家讲，我依家系单身。”又强调感情事急不来，随缘吧，她也好享受自己一个人：“结婚同恋爱唔一定必要。”

提到今年是祖儿入行20周年，她透露演唱会将会于今年年中举行：“多谢大家畀呢个机会我，同埋咁期待啦，我一有新嘅消息就会同大家讲。呢段时间已经系密锣紧鼓咁开会，录歌，又偷偷地去咗影poster，我都会去拍一个音乐特辑同大家分享我嘅内心世界。当然唔少得有舞蹈啦，我嘅目标唔系场数，而系要以一个最佳嘅状态去负责任地做一场令大家满意嘅show，大家睇完会觉得好开心嘅，咁就已经足够喇。”