姜丽文曾到日本做主持　大爆公司提点︰唔可以同男仔朋友一齐行

艺人姜丽文（Lesley）曾经在日本NHK（日本广播协会）做儿童节目主持，日前有报道指她在日本生活的时候，因为是艺人的关系，所以公司要求她保持形象，跟朋友去街连洗手间都唔可以去，规矩多多。

艺人一举一动代表公司　形象要“干净”

Lesley接受《香港01》记者访问时，大爆更多在日本做艺人时的趣事。她指当时是2006年，她还是19岁的时候，就从加拿大搬到日本东京居住，一心在日本发展，成为艺人，当时公司想训练她成为歌手。当时签了Tristone Entertainment（即是小栗旬同一间的经纪公司），她先加入NHK做节目主持，有自己的主持节目，叫《Let’s Play in English》，主要教小朋友英文，一齐玩玩游戏。日本的文化跟香港不同，所以Lesley都有一番体会，她指去街时，不可以去洗手间，是真有其事，“系啊，佢哋好严㗎，我𠮶阵都算系偶像，因为我系代表NHK嘅儿童节目啊嘛，同埋特别系因为代表NHK，佢系一间好国际好政府式嘅channel，所以要更加小心同尊重，仲要顾及个image，要好干净，所以连去洗手间都算系好‘污糟’嘅一件事。（佢哋系同你讲明㗎？）系啊。”

跟异性朋友要“分开行”

日本人出名做时严谨，对艺人的形象要求都好高，Lesley仲爆另一样要求，“如果同其他偶像或者朋友一齐，特别系男仔，唔准一齐行，唔准一齐搭䢂，一定要分开搭。所以我𠮶阵先至明白点解佢哋可以create到咁多巨星，因为佢哋（明星）好似好神秘咁。例如有啲文化礼貌上嘅提点，好似夏天唔可以著拖鞋都会有。”

放工跟生日都有礼物收　

除了以上的，在日本跟香港做艺人的文化差异大，原来还有一样几有趣又贴心的事情是Lesley在日本做偶像时体会到的。“可能我系一个礼拜一至两次拍摄，其实都几多嘅，但每次喺studio拍完收工𠮶阵，佢哋点都会送花畀我，或者系我嘅birthday month，比如我系1月出世嘅，佢哋系会成个1月，每次你返工都会送蛋糕畀你同你庆祝唱生日歌咁。我觉得佢哋真系好尊重啲艺人，都好nice，或者呢个就系日本人嘅文化，乜嘢都要好靓，乜嘢都要好respectful。”Lesley又话自己好喜欢这种文化，自己是一个好守规矩的人。

因偶像而想去日本追梦

Lesley指自己热爱日本的文化，“超级无敌”钟意组合岚（Arashi），所以想去日本发展，视到日本做偶像为梦想，当时Lesley都好畀心机学日文︰“𠮶阵有日本热潮，同埋好多人都想做日本明星，𠮶阵J-pop好劲，所以我就觉得我要做得好过人哋，所以我就不停咁样学，就算喺屋企浸住浴缸，我都当一个小说咁样睇字典，会背每一页。”虽然妈妈是日本人，不过Lesley自言她的日语都是“有限公司”，只识基本点餐等对话，所以都要到日本再重新学习日文。勤力的Lesley很快就得到面试的机会，尝试过两年多的日本艺人生活，一切都准备好以歌手身份在日本出道，不过最后在2008年主要因为签证的问题就回来香港发展，跟哥哥姜文杰一起做“兄妹档”自资歌手。

点击下图观看更多Lesley嘅照片︰